យោងតាមគេហទំព័រ 90mn បានចុះផ្សាយកាលពីថ្ងៃទី១១ ខែកុម្ភ: នេះថាក្រុមហង្សក្រហម Liverpool បានបរាជ័យក្នុងការស្នើសុំទិញយកកីឡាករខ្សែបម្រើ Samuel Chukweze ពីក្រុម Villareal របស់ប្រទេសអេស្ប៉ាញ។

កាលពីប៉ុន្មានសប្ដាហ៍កន្លងទៅគ្រូបង្វឹកលោក Jurgen klopp របស់ក្រុម Liverpool បានធ្វើការស្នើសុំទិញយកកីឡាករ Samuel Chukweze នៅក្នុងតម្លៃ ៣៥លានយូរ៉ូ ប៉ុន្តែកាលពីព្រឹកមិញនេះអ្នកចាត់ការទូទៅរបស់ក្រុម Villareal បានបដិសេធថាមិនលក់កីឡាករខ្សែបម្រើរូបនេះជាដាច់ខាត។

កីឡាករវ័យ ២០ឆ្នាំ រូបនេះបានបង្ហាញទម្រង់លេងយ៉ាងល្អឲ្យក្រុម Villareal នៅក្នុងរដូវកាលថ្មីនេះ ហើយរូបគេបានធ្វើឲ្យមានភាពទាក់ទាញយ៉ាងខ្លាំងពីសំណាក់ក្លឹបធំៗជាច្រើនឲ្យចង់បានរូបគេដូចជាក្រុមបិសាចក្រហម Manchester United ក្រុមតោខៀវ Chelsea និងក្រុមហង្សក្រហម Liverpool ជាដើម៕

ប្រែសម្រួលដោយ៖ សំណាង