គ្រូបង្វឹករបស់ក្រុម Leeds United លោក Marcelo Bielsa បានធើ្វឲ្យមានការភ្ញាក់ផ្អើលដល់ក្មេងៗអាយុក្រោម១១ឆ្នាំ ដោយរូបលោកសុខចិត្ដចំណាយពេលទំនេរផ្ទាល់ខ្លួន ទៅបង្វឹកពួកគេដោយផ្ទាល់តែម្ដង។

មិនដូចទៅនឹងគ្រូបង្វឹកផ្សេងៗក្នុងក្របខណ្ឌ Premier League ដែលបានយកពេលនេះ ទៅសម្រាកលំហែកាយឡើយ ប៉ុន្ដែបុរសសញ្ជាតិអាហ្សង់ទីននេះ សុខចិត្ដចំណាយពេលវេលារបស់ខ្លួន ចែករំលែកនូវចំណេះដឹង ដើម្បីបង្ហាត់ក្មេងជំនាន់ក្រោយដែលជាក្រុមមួយក្នុងតំបន់ ហើយលោកក៏បានដាក់ការប្រកួតសាកល្បង៩០នាទី ដើម្បីឲ្យពួកគេហាត់សមលេងផងដែរ។

លោក Marcelo Bielsa នឹងត្រូវអស់កុងត្រាជាមួយ Leeds នារដូវក្ដៅនេះហើយ ប៉ុន្ដែត្រូវបានគេរំពឹងថា នឹងបន្ដកុងត្រាជាមួយក្លឹបដដែល ដោយយ៉ាងហោចណាស់ក៏អាចនឹង១ឆ្នាំទៀតដែរ៕

ប្រភព៖ Dailymail