Wow Cambodian
· 2021-06-23
មូលហេតុនេះហើយ ដែលប្រាសាទមួយក្បែរព្រលានយន្តហោះសៀមរាបឈ្មោះថា ត្រពាំងរពៅ
#ប្រាសាទត្រពាំងរពៅ# #ប្រាសាទអង្គរវត្ត# #ចំណេះដឹង# #ប្រវត្តិសាស្ត្រ# #ព្រលានយន្តហោះសៀមរាប#
11261
ប្រាសាទត្រពាំងរពៅ ខ្លះហៅប្រាសាទនាងពៅ (?) មានទីតាំងស្ថិតនៅខាងលិចប្រាសាទអង្គរវត្ត ឈៀងខាងត្បូងបន្តិចពីអ័ក្សផ្លូវត្រង់ចេញពីខ្លោងទ្វារខាងលិចរបស់ប្រាសាទអង្គរ និងកៀកមែនទែនទៅនឹងព្រលានយន្តហោះអន្តរជាតិសៀមរាប ដែលនៅខាងលិច។ ប្រាសាទនេះមានប្រាង្គ៣ធ្វើពីឥដ្ឋ បែរទៅទិសឦសាន ហើយនៅទិសអាគ្នេយ៍មានស្នាមឥដ្ឋរៀបជាបន្ទប់ ដែលប្រហែលជាត្រូវនឹងគេសព្វថ្ងៃហៅថា ហោត្រៃ បណ្ណាល័យ ឬក៏ព្រះឃ្លាំង។ ប្រាង្គប្រាសាទទាំង៣គឺឧទ្ធិសដល់ទេពធំទាំង៣ ក្នុងព្រហ្មញ្ញសាសនា ដូចប្រាសាទភ្នំក្រោមដែរ។
ប្រាង្គប្រាសាទទាំង៣នេះខូចខាតសម្បើមបណ្តាលមក ពីការ ជីកកកាយជាយូរណាស់មកហើយ យ៉ាងណាមិញ ក្នុងរូបថតរបស់សាលាបារាំងចុងបូព៌ា(១៩៣១)ក៏ឃើញថា ប្រាសាទនេះខូតខាតខ្លាំងរួចទៅហើយ។ ពាក្យថាត្រពាំងល្ពៅ អាចក្លាយមកពីឈ្មោះដើម "ត្រវាងវ៌្វៅ"។បើតាម Living with Heritage Project ឲ្យដឹងថានៅជុំវិញប្រាសាទមានកំពែង មានកសិណ និងមានគោកនៅផ្នែកខាងត្បូង និងខាងលិចក្បែរៗនោះផង។
គេបានរកឃើញសិលាចារឹក៣ផ្ទាំង នៅទីនេះគឺ នៅមេទ្វារ (សងខាង) ប្រាង្គខាងត្បូងផុត (K.690) និយាយអំពីជំនូន និងបញ្ជារឲ្យទៅមើលដីនៅម្តុំប្រាសាទភ្នំបាខែង ហើយរៀបចំព្រះនៅត្រពាំងរពៅឡើងវិញ។ ដោយសំអាងលើឈ្មោះមនុស្សក្នុងសិលាចារឹកនេះ គេជឿថាសិលាចារឹកនេះអាចស្ថិតនៅស.វទី១០។ សិលាចារឹកចុងក្រោយនេះជួយឲ្យយើងដឹងថា សំណង់ដែលរណបមកប្រាង្គប្រាសាទ ឬដែលគេទូទៅស្គាល់ថា ហោត្រៃ ឬបណ្ណាល័យ ជាកន្លែងតម្កល់ព្រះភ្លើង។ សិលាចារឹកនេះថែមទាំងប្រើពាក្យថា "អាស្រមព្រះភ្លើង"។
នៅពីខាងឦសានប្រាសាទប្រហែលជា២០០មែត្រ មានត្រពាំងធំមួយជាសំណង់ឧបសម្ពន្ធរបស់ប្រាសាទ ទំហំប្រមាណ២០០មែត្រ x ៣៥០មែត្រ។ នៅក្នុងដំណើរចុះបញ្ជីប្រាសាទ លោក LAJONQUIÈRE ថា ត្រពាំងនេះក្លាយជាវាលស្រែបាត់ទៅហើយ។ ឯកសារមួយចំនួនអះអាងថាប្រាសាទនេះស្ថិតក្នុងរចនាបថប្រែរូប នាសតវត្សទី១០ដោយសំអាងទៅលើផ្ដែរ និងសិលាចារឹកដែលសេសសល់៕
សេចក្តីថ្លែងការណ៍លើកលែង
អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។
ស្នាដៃពេញនិយមរបស់គាត់
តាមពិតត្រីសូល៍ ដែលរកឃើញនៅបន្ទាយឆ្មារ ប៉ុន្មានឆ្នាំមុនគ្រាន់តែជាផ្នែកមួយនៃត្រីសូល៍ទាំងមូលប៉ុណ្ណោះ
សត្វភេនឃ្វីន ពណ៌លឿងតែមួយគត់លើលោក ត្រូវប្រមាញ់បានដោយជាងថតបែលហ្សិក
តាមពិត ការលេងទឹកពេលចូលឆ្នាំមានអត្ថន័យល្អ ហើយត្រូវបានគេលេងជាយូរណាស់មកហើយ
តាមពិតរូបសំណាកលោកេស្វរៈដ៏ធំស្កឹមស្កៃ និងចំណាស់ដែលឃើញក្នុងឯកសារចាស់ បច្ចុប្បន្នស្ថិតនៅទីតាំងនេះសោះ
ការណែនាំពិសេស
មន្ទីរពេទ្យទីមួយនៃសាកលវិទ្យាល័យវេជ្ជសាស្ត្រ Harbin បានបញ្ចប់ដោយជោគជ័យនូវបេសកកម្មជំនួយផ្នែកវេជ្ជសាស្រ្តសម្រាប់ការជិះស្គីល្បឿនលឿនក្នុងព្រឹត្តិការណ៍កីឡាអាស៊ីរដូងរងា
ភ្ញាក់ពីគេងពេលព្រឹក បើមាន៥ចំណុចនេះ សប្បាយចិត្តចុះ ព្រោះវាបញ្ជាក់ថាអ្នកមានសុខភាពល្អ
ស្ត្រីក្រោយអាយុ៤០ឆ្នាំ មិនថាជិតស្និទ្ធនឹងអ្នកដទៃប៉ុណ្ណានោះទេ ហាមប្រាប់គេរឿងឯកជនទាំង៣នេះ
កុំពិបាកចិត្ត បើកូនរបស់អ្នកមានចរិតឆ្មើងឆ្មៃ ហើយពិបាកចិញ្ចឹម ព្រោះលក្ខណៈ ៣ យ៉ាងនេះបង្ហាញថាគេជាក្មេងឆ្លាត
យោបល់ទាំងអស់ (8)
Huy kimseng
· 2021-07-10
ស្រស់ស្អាត🥰🥰
Thang Chamnan
· 2021-07-01
😉😉
Sreng thearen
· 2021-06-30
ស្រលាញ់ទេសភាព🥰🥰🥰
HR Ratha
· 2021-06-29
😊
អុិន ជីវិតកាត់ដេរ
· 2021-06-25
មូលហេតុនេះហើយ ដែលប្រាសាទមួយក្បែរព្រលានយន្តហោះសៀមរាបឈ្មោះថា ត្រពាំងរពៅ
មិត្ត993257680
· 2021-06-24
🥰🥰🥰
មិត្ត1000068092
· 2021-06-23
💞💞🥰🥰
មិត្ត221835856
· 2021-06-23
🥰🥰
- 1
ទៅកាន់