តារាថៃ: កាលពីពេលប៉ុន្មានថ្ងៃកន្លងមកនេះ តារាសម្តែងស្រីរាងស្រឡូនស្អាត Tussaneeya បានព្យាយាមរត់ហៅតាក់សុីយ៉ាងលឿនឲ្យត្រឡប់មកវិញ ក្រោយពេលដែលកញ្ញាបានដឹងថា ខ្លួនកំពុងតែជ្រុះបាត់ចិញ្ចៀនពេជ្រដែលមានតម្លៃជិតមួយសែនបាតក្នុងឡាន។ក៏ប៉ុន្តែ បន្ទាប់ពីហៅតាក់សុីត្រឡប់មកវិញបានសម្រេចហើយ កញ្ញានៅតែមិនអាចរកឃើញចិញ្ចៀនពេជ្ររបស់ខ្លួនដដែល។តែយ៉ាងណាមិញ ភ្លាមៗនោះ នាពេលដែលកញ្ញាបានងាកទៅរកមើលវាតាមដងផ្លូវ ក៏បានប្រទះឃើញចិញ្ចៀនពេជ្ររបស់ខ្លួនត្រឡប់មកវិញ ហើយវាពិតជាសំណាងខ្លាំងណាស់ដែលកញ្ញាមិនបានបាត់បង់វា ជារៀងរហូតទៅ៕