កីឡាការិនីជឺជិតស៊ូជម្រើសជាតិកម្ពុជា ជេសា ខាន់ ទើបឈ្នះមេដាយមាស១គ្រឿងកម្រិតពិភពលោក Pro Purple ពីព្រឹត្តិការណ៍ជើងឯកជឺជិតស៊ូពិភពលោក 2019 Abu Dhabi World នៅទីក្រុងអាប់ឌូ ដាប៊ី ប្រទេសអារ៉ាប់រួម កាលពីថ្ងៃទី២៤ ខែមេសាកន្លងទៅនេះ។

ជេសា ខាន់ (កណ្តាល)

មុនការប្រកួត វិបសាយ jiujitsutimes បានរៀបរាប់ថា កីឡាការិនីកម្ពុជា Khan ស្ថិតនៅវ័យជំទង់នៅឡើយដោយសារនៅខ្វះ៤ខែទៀតទើបឈានដល់កម្រិតអាជីពប្រកួតវិញ្ញាសាpurple ប៉ុន្តែកីឡាការិនីម្នាក់នេះបានកម្រិតពិភពលោក World Pro ហើយឆ្នាំនេះ។

ខាន់ស្ថិតក្នុងចំណោមអត្តពលិកជឺជិតស៊ូក្មេងជាងគេដែលត្រូវបានជ្រើសរើសប្រកួត EBI 18 ប៉ុន្តែបើនិយាយពីបទពិសោធគឺពេញលក្ខណៈសម្បត្តិ ហើយឈ្នះមេដាយជាច្រើនទាំងកម្រិតអាស៊ី អាមេរិក និងពិភពលោក។

បើទោះបីជានាងនៅក្មេងជាងគេក៏ដោយ ប៉ុន្តែសមត្ថភាពបានបញ្ជាក់ច្បាស់នៅពេលនាងប្រកួតឈ្នះកីឡាការិនីផ្សេងៗឈានដល់ដណ្ដើមបានមេដាយមាស។ សូមបញ្ជាក់ថា ជេសា ខាន់ បានឈ្នះមេដាយមាស១គ្រឿងជូនជាតិកម្ពុជា ពីព្រឹត្តិការណ៍កីឡាទ្វីបអាស៊ី Asian Games កាលពីឆ្នាំ២០១៨៕