ពាក្យថា “បេះដូងខ្ទេចខ្ទាំ” ច្រើនតែត្រូវបានរៀបរាប់ឡើងដោយមនុស្សម្នាក់ដែលបានបាត់បង់ស្នេហាប្រកបដោយការឈឺចាប់ខ្លាំង។ អ្វីដែលជាការពិតនោះគឺថា ការមានអារម្មណ៍បាក់ទឹកចិត្ត អាចដាក់សម្ពាធទៅលើសុខភាពបេះដូងជាខ្លាំងជាពិសេសបើសិនជាអ្នកមានជំងឺបេះដូងស្រាប់។ បើសិនជាអ្នកត្រូវបានគ្រូពេទ្យរកឃើញថាមានជំងឺបេះដូង ហើយកំពុងតែមានអារម្មណ៍ពិបាកចិត្តទៀតនោះ ចូរព្យាយាមធ្វើដូចខាងក្រោមនេះ៖

- ចូរព្យាយាមហាត់ប្រាណខ្លះ។ ចូរប្រាកដថា អ្នកធ្វើទោតាមការណែនាំសម្រាប់ការហាត់ប្រាណពីគ្រូពេទ្យហើយ

- ចូរសិក្សា និងអនុវត្តវិធីសាស្រ្តបន្ធូរអារម្មណ៍

- ចូរធ្វើសកម្មភាពណាដែលធ្វើឲ្យអ្នកសប្បាយចិត្ត។ ចូរចៀសវាងទម្លាប់ដែលមិនផ្តល់សុខភាពដូចជា ជក់បារី ញ៉ាំគ្រឿងស្រវឹង ឬញ៉ាំច្រើនៗ

- ចូរស្វែងរកការគាំទ្រពីគ្រួសារ ឬមិត្តភក្តិស្និទ្ធស្នាល។ ចូរចូលរួមក្រុមគាំទ្រសម្រាប់អ្នកដែលមានជំងឺបេះដូង

- ចូរញ៉ាំអាហារផ្តល់ជីវជាតិ អាហារមានតុល្យភាព និងគេងឲ្យបានច្រើន៕