លោក Arthur ត្រូវបានតែងតាំងដោយគណបក្សសាធារណរដ្ឋសម្រាប់តំណែង អនុប្រធានាធិបតី។ លោកទទួលបានការតែងតាំងសំខាន់នេះ ដោយសារតែហេតុផលនយោបាយនិងជាការពេញចិត្តរបស់មិត្តភក្តិដ៏មានឥទ្ធិពលម្នាក់របស់លោក Arthur គឺសមាជិកព្រឹទ្ធសភា Roscoe Conking។ លោកមិនដែលធ្លាប់មានការិយាល័យធ្វើការពីមុនមកទេ ដែលការខ្វះខាតបទពិសោធរបស់លោកនេះ ធ្វើឱ្យមនុស្សមួយចំនួនមានការព្រួយបារម្ភ ហើយពួកគេសង្ឃឹមថាគ្មានអ្វីកើតឡើងដល់លោកប្រធានាធិបតី Garfield ទេ។

ជាអកុសលការភ័យខ្លាចដ៏អាក្រក់បំផុតរបស់មនុស្សជាច្រើនបានកើតឡើងពិតប្រាកដ នៅពេលដែលប្រធានាធិបតី Garfield ត្រូវបានគេធ្វើឃាតភ្លាមៗបន្ទាប់ពីក្លាយជាប្រធានាធិបតី។ លោក Arthur ដែលគ្មានបទពិសោធនេះ ក៏បានក្លាយជាប្រធានាធិបតីអាមេរិក ដែលលោកនឹងត្រូវរៀនពីការងារនេះច្រើនមែនទែន។

ព្រឹត្តិការណ៍និងសមិទ្ធិផលខ្លះៗ នៃរបស់លោក:

- សកម្មភាព Pendleton - សកម្មភាពនេះបានបង្កើតគណៈកម្មការស៊ីវិលដែលជួយជួលមនុស្សឱ្យធ្វើការងាររបស់រដ្ឋាភិបាល ដោយផ្អែកលើសមត្ថភាពជាជាងការគាំទ្រផ្នែកនយោបាយ។ ការងារត្រូវបានបំពេញដោយផ្អែកលើដែលពិន្ទុដែលប្រជាជនធ្វើបាននៅលើការប្រឡង។ ការធ្វើបែបនេះ ត្រូវបានគាំទ្រយ៉ាងខ្លាំងពីសំណាក់ប្រជាជន។

- នាវាចម្បាំងអាមេរិក - លោក Arthur បានធ្វើការដើម្បីផ្តល់នាវាបន្ថែមសម្រាប់កងនាវាចរអាម៉េរិក ដែលមានការធ្លាក់ចុះអស់រយៈពេលជាច្រើនឆ្នាំមកហើយ។

- ជនជាតិកំណើតអាមេរិចដើម - លោកបានធ្វើការដើម្បីបង្កើនមូលនិធិសម្រាប់ការអប់រំជនជាតិឥណ្ឌាអាមេរិក។

លោក Arthur បានធ្វើការងារដ៏ល្អជាច្រើនកាលដែលជាប្រធានាធិបតី។ អ្នកប្រវត្ដិសាស្ដ្រភាគច្រើនចាត់ទុកលោក ជាប្រធានាធិបតីមានតម្លៃកណ្តាលនៅក្នុងចំនោមប្រធានាធិបតីអាមេរិក។

លោកដឹងថាលោកមានជំងឺតម្រងនោមធ្ងន់ធ្ងរ មុននឹងចាកចេញពីតំណែងប្រធានាធិបតី។ នេះប្រហែលជាមូលហេតុដែលលោកមិនបានឈរឈ្មោះអាណត្តិទីពីរ។ លោកបានស្លាប់ដោយសារជំងឺតម្រងនោម ប្រហែលជាងពីរឆ្នាំក្រោយមក៕