បើអ្នកទៅទស្សនាពិធីបុណ្យទាក់ទងនឹងសត្វជាច្រើននៅជុំវិញពិភពលោក អ្នកនឹងមិនអនុញ្ញាតអោយបោះចំនីអោយសត្វនោះទេ តែយ៉ាងណានៅប្រទេសថៃក៏មានពិធីបុណ្យមួយដែរ ដែលមានឧទ្ទិសដល់សត្វស្វា និងអាចអោយចំណីបានតាមចិត្តផងដែរ។

នៅថ្ងៃអាទិត្យចុងក្រោយនៃខែវិច្ឆិកាឆ្នាំនីមួយៗ ប្រជាពលរដ្ឋនៃទីក្រុងលពបុរី ដែលជាទីក្រុងមួយមានវ័យចាស់ជាងគេនៅក្នុងប្រទេសថៃបានរៀបចំពិធីជប់លៀងដ៏ធំមួយជាពិសេសសម្រាប់សត្វស្វា ដែលរស់នៅទីនោះ។

សត្វស្វាកន្ទុយវែងនេះ រស់នៅក្នុងខេត្តនេះដោយចូលចិត្តឡើងទៅលើប្រាសាទបុរាណ ហើយដើរដោយសេរីតាមដងផ្លូវនៅលពបុរីនេះ នឹងចូលចិត្តស៊ីចំណីគ្រប់យ៉ាងដែលលួចបានពីតាមផ្លូវនឹងឡើងទៅលើតាមខ្សែភ្លើងអគ្គីសនី។ ទោះជាយ៉ាងណាក៏ដោយ សត្វស្វាទាំងនោះត្រូវបានគេចាត់ទុកថាជាស្វានាំមកនូវសំណាងល្អ ដូច្នេះអ្នកស្រុកមិនត្រូវបានអនុញ្ញាតអោយចាប់ ឫធ្វើបាបឡើយ ផ្ទុយទៅវិញ ពួកគេបានរៀបចំពិធីជប់លៀងមួយដើម្បីគោរពកិត្តិយសរបស់សត្វស្វានេះ ហើយអ្នកស្រុកបានតុបតែងលំអផ្ទះរបស់ពួកគេដោយរូបចម្លាក់ផ្លែឈើ ដើម្បីទាក់ទាញទ្រព្យសម្បត្តិ និងភាពចម្រុងចម្រើនពីសត្វនេះផងដែរ។ ពិធីបុណ្យនេះត្រូវបានប្រារព្ធឡើងនៅឯប្រាសាទដែលមានទៅដោយ ផ្លែឈើ សាឡាត់និង អង្ករដំណើបត្រូវបានរៀបចំសម្រាប់ស្វា និងដើម្បីចែករំលែកជាមួយអ្នកចូលរួមពិធីបុណ្យផងដែរ។ ដូចនេះកុំមានការភ្ញាក់ផ្អើលអី បើសត្វនេះនៅលើក្បាលរបស់អ្នក ដើម្បីមកសុំចេកនោះ៕