អ្នកចាំទី Donnarumma នឹងត្រូវខកខានការប្រកួតសំខាន់មួយនៅសប្តាហ៍នេះ

#កីឡា# #Gianluigi Donnarumma# #ការប្រកួត# #ក្រុម AC Milan# #បាល់ទាត់អន្តរជាតិ#

1929

អ្នកចាំទី Gianluigi Donnarumma របស់ក្រុម AC Milan មិនត្រូវបានកោះហៅឱ្យចូលរួមប្រកួតវគ្គពាក់កណ្តាលផ្តាច់ព្រ័ត្រនៃពានរង្វាន់ Coppa Italia ឡើយ ដោយសារមានបញ្ហារបួសកជើង។

Donnarumma បានរងរបួសកជើងក្នុងអំឡុងពេលក្រុមរបស់ខ្លួនប្រកួតស្មើជាមួយ Fiorentina ដែលនៅពេលនោះ រូបគេត្រូវបានផ្លាស់ប្តូរចេញភ្លាមៗនៅនាទីទី៥២ ហើយជំនួសមកវិញដោយអ្នកចាំទីដៃទីពីរ Begovic។

កាលពីមួយរយៈមុន Donnarumma ត្រូវបានគេព្យាករណ៍ថា នឹងអាចវិលត្រឡប់មកទីលានវិញធម្មតានៅពេលក្រុម AC Milan ប្រកួតជាមួយសេះបង្កង់ Juventus សប្តាហ៍នេះ ប៉ុន្តែពេលនេះរូបគេនៅមិនទាន់អាចវិលមកទីលានវិញបាននោះទេ ដែលមានន័យថា អ្នកចាំទីរូបនេះនឹងត្រូវអវត្តមានសម្រាប់ការប្រកួតដ៏សំខាន់នេះ៕

កែសម្រួលដោយ៖ ភារ៉ា

ប្រភព៖ Calciomercato

សេចក្តីថ្លែងការណ៍លើកលែង

អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។