Jaejoong ធ្វើឲ្យមហាជនខឹងសម្បារជាខ្លាំង

#Jaejoong# #KCDC# #កម្សាន្ត# #តារាអន្តរជាតិ# #ការដាក់ទណ្ឌកម្ម#

2437

Jaejoong កំពុងតែប្រឈមមុខជាខ្លាំង ជាមួយនឹងការដាក់ទណ្ឌកម្ម ដែលបានអនុវត្តដោយមជ្ឈមណ្ឌលកូរ៉េ (KCDC) ក្រោយពីលោក បានលេងសើចថាខ្លួនមានផ្ទុកវីរុសកូរ៉ូណា។

គួរបញ្ជាក់ដែរថា នៅថ្ងៃទី០១ ខែមេសា ឆ្នាំ២០២០ លោក Jaejoong ដែលជាសមាជិកក្រុម JYJ បានធ្វើឱ្យអ្នកគាំទ្រ និងអ្នកលេងអ៊ីនធឺណេតមានការភ្ញាក់ផ្អើល និងខឹងសម្បារយ៉ាងខ្លាំង។

ហេតុការណ៍នេះបានកើតឡើង នៅពេលដែលលោក បានប្រកាសថាខ្លួនត្រូវបានបញ្ជូនទៅកាន់មន្ទីរពេទ្យ ដោយសារតែមានផ្ទុកវីរុសកូវីដ ១៩ ។ ភ្លាមៗនោះមានអ្នកគាំទ្រជាច្រើនបានបង្ហាញអារម្មណ៍ ពីការព្រួយបារម្ភចំពោះស្ថានភាពជំងឺរបស់លោក។

ក្រោយមកលោក ក៏បានសារភាពថាវាគ្រាន់តែជាការធ្វើឡើងដើម្បីឲ្យមានភាពកំប្លែងសម្រាប់ខែមេសាប៉ុណ្ណោះ។ បន្ទាប់ពីបានឃើញបែបនេះហើយ មហាជនបាននាំគ្នាធ្វើការរិៈគន់យ៉ាងចាស់ដៃ ចំពោះទង្វើមួយនេះផងដែរ។

ក្នុងនោះលោកក៏បានចេញវីដេអូ សុំការអភ័យទោសជាសារធារណៈភ្លាមៗវិញទៅកាន់ទស្សនិកជនផងដែរ។ ប៉ុន្តែទោះបីជា Jaejoong បានសម្តែងការសុំទោសយ៉ាងណា ក៏ដោយ រូបលោកនៅតែអាចប្រឈមមុខនឹងការដាក់ទណ្ឌកម្ម ដោយមជ្ឈមណ្ឌលគ្រប់គ្រង និងបង្ការជំងឺរបស់កូរ៉េ (KCDC)៕

កែសម្រួលដោយ៖ ភារ៉ា

ប្រភព៖ allkpop

សេចក្តីថ្លែងការណ៍លើកលែង

អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។