គ្រឿងយន្តច្រើនប្រភេទត្រូវបានដាក់នៅក្នុងផ្សារទំនើបកណ្តាលទីក្រុងបាងកក

#គ្រឿងយន្ត# #ឆ្កែរ៉ូបូត# #បច្ចេកវិទ្យា# #AIS# #វិទ្យាសាស្ត្រ#

5113

ខណៈពេលប្រទេសថៃ កំពុងបន្ធូរបន្ថយការរឹតបន្តឹងច្បាប់ មានឆ្កែរ៉ូបូតឈ្មោះK9 បានចែកទឹកអាល់កុលលាងដៃដល់អ្នកទិញឥវ៉ាន់ក្នុងផ្សារមួយដែលគ្រប់គ្នានឹកស្មានមិនដល់ ។

ឆ្កែរ៉ូបូតនេះ បំពាក់ដោយគ្រឿងបច្ចេកវិទ្យា ដែលស្ថិតនៅក្នុងផ្សារទំនើបដ៏ល្បីនៅកណ្តាលទីក្រុងបាងកក ហើយបានទាក់ទាញចំណាប់អារម្មណ៍មនុស្សម្នាជាច្រើន ជាពិសេសនោះ គឺកុមារតែម្តងដែលអាចទទួលបានទឹកលាងដៃតាមរយៈដបភ្ជាប់នឹងខ្នងរបស់វា។

AIS បាននិយាយថា «វាបានបង្កភាពងាយស្រួលសម្រាប់ប្រជាជនក្នុងការលាងដៃរបស់ពួកគេដែលស្របទៅនឹងវិធានការបង្ការជំងឺឆ្លង ជាពិសេសនៅក្នុងស្ថានភាពមេរោគកូវីដ-១៩ នេះ»។ មិត្តរួមការងារឆ្កែយន្ត K9 រួមមាន ROC ជាអ្នកត្រួតពិនិត្យសីតុណ្ហភាពភ្ញៀវ និង LISA ជាអ្នកបម្រើសេវាកម្មអតិថិជន។ AIS បានអះអាងថា «រ៉ូបូតនៅទីនេះមានតួនាទីជួយមនុស្សមិនមែនដើម្បីជំនួសពួកគេទេ»។ ក្នុងចំណោមភ្ញៀវទាំងអស់គេឃើញថាមានម្នាក់បាននិយាយថាឆ្កែនេះគួរឱ្យខ្លាចណាស់។

ប្រទេសថៃ បានបន្ធូរបន្ថយការរឹតបន្តឹងច្បាប់លើអាជីវកម្មជាបណ្តើរៗដែលបានអនុវត្តគោលការណ៍រក្សាគម្លាតដូចជា

ការអង្គុយក្នុងភោជនីយដ្ឋាន ជណ្តើរយន្ត ការកំណត់ចំនួនភ្ញៀវជាដើម៕

កែសម្រួលដោយ៖ ភារ៉ា

ប្រភព៖ Bangkok Post

សេចក្តីថ្លែងការណ៍លើកលែង

អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។