សព្វថ្ងៃនេះពិភពលោករបស់យើងកំពុងមានការផ្លាស់ប្តូរវប្បធម៌និងបច្ចេកវិទ្យាជាច្រើនធ្វើឲ្យជីវិតរបស់យើងកាន់តែងាយស្រួលនិងអាចធ្វើអ្វីគ្រប់យ៉ាងបានឆាប់រហ័សជាងមុន។ ប៉ុន្តែតើអ្នកធ្លាប់ដឹងទេថាប្រសិនបើអ្នកបានកើតក្នុងអតីតកាលនោះជីវិតរបស់អ្នកនឹងលំបាកយ៉ាងណា? មកមើលកំណត់ហេតុនៃអ្នករស់នៅពីអតីតកាលតើវាបែបណា?

១. សំណង់ធំៗជាច្រើនគឺសុទ្ធតែប្រើកម្លាំងពលកម្មមនុស្សសុទ្ធសាធ៖សព្វថ្ងៃមិនថាការសាងសង់លំបាកយ៉ាងណាក៏មានឧបករណ៍ទំនើបៗជួយសម្រាលកម្លាំងបានច្រើនដែរប៉ុន្តែសម័យមុនវិញអ្នកត្រួតពិនិត្យសំណង់ត្រូវតែមានកម្មករកាន់ដុំថ្មសម្រាប់សាងសង់ បូកទាំងការងារធំៗពេលខ្លះត្រូវលើកដុំថ្មរហូតដល់ ១.០០០ តោនក៏មានដែរ។

២. សិទ្ធរបស់កូនដាច់ខាតគឺសម្រេចនៅលើឪពុក៖កាលពីមុនជនជាតិរ៉ូមជឿថាកូនៗជាទ្រព្យសម្បត្តិរបស់ឪពុក។ គាត់មានសិទ្ធិជ្រើសរើសឲ្យកូនរៀបការឬលែងលះអ្នកណាក៏បាន។ ប្រសិនបើកូនធ្វើឲ្យឪពុកអាក់អន់ចិត្តនោះគាត់អាចជ្រើសរើសសំលាប់ឬលក់កូនខ្លួនឯងបាន។ ពួកគេក៏មានសិទ្ធិវិនិច្ឆ័យជីវិតរបស់ចៅៗរបស់ពួកគេដែរ។

៣. សត្វឆ្មា៖សត្វឆ្មាត្រូវបានគេចាត់ទុកថាជាសត្វដ៏ពិសិទ្ធរបស់អេហ្ស៊ីប។ អ្នកដឹងទេថាកាលពីសម័យមុនប្រសិនបើឆ្មាដែលអ្នកចិញ្ចឹមស្លាប់ គឺម្ចាស់ត្រូវតែកោររោមចិញ្ចើមដើម្បីយំសោកកាន់ទុក្ខឆ្មារយៈពេល ៧០ ថ្ងៃ។

៤. ការបង្កើតប្រព័ន្ធបង្ហូរទឹក៖ប្រព័ន្ធលូបង្ហូរទឹកគឺមានតាំងពីអតីតកាលហើយត្រូវចំណាយពេលច្រើនឆ្នាំដើម្បីធ្វើការសាងសង់ពីកន្លែងមួយទៅកន្លែងមួយដោយប្រើកម្លាំងសុទ្ធបើធៀបទៅហ្នឹងបច្ចុប្បន្នមានឧបករណ៍ជាច្រើនអាចធ្វើការខួងដោយមិនចាំបាច់ប្រើកម្លាំងនិងពេលវេលាច្រើនឡើយ។ 

៥. មានការព្យាបាលយ៉ាងពិសេសសម្រាប់សាកសពស្ត្រីដ៏ស្រស់ស្អាត៖កាលពីមុនប្រជាជននៅអេហ្ស៊ីបច្រើនតែថែរក្សាសាកសពមនុស្សស្លាប់ភ្លាមៗវានឹងមិនខូចឡើយ។ ប៉ុន្តែសម្រាប់នារីស្រស់ស្អាតម្នាក់វិញសាច់ញាតិផ្តល់ឲ្យសាកសពរបស់នាងពីរទៅបីថ្ងៃបន្ទាប់ពីនាងបានស្លាប់ដោយសារតែពួកគេរង់ចាំឲ្យរាងកាយរបស់នាងរលួយបន្តិចសិន។ រាងកាយដ៏ស្រស់ស្អាតរបស់នាងនឹងមិនត្រូវបានប៉ះដោយដៃរបស់មនុស្សចម្លែកនោះទេ។ (វាហាក់ដូចជាប្រឆាំងនឹងគោលបំណងនៃការអភិរក្សរាងកាយ)។

៦. ការជួលមនុស្សឲ្យយំក្នុងពិធីបុណ្យសព៖នៅសម័យបុរាណមនុស្សជឿថាមានមនុស្សកាន់តែច្រើនចូលរួមពិធីបុណ្យសពគឺកាន់តែប្រសើរ។ ព្រោះវាតំណាងឲ្យភាពល្អនិងភាពអស្ចារ្យរបស់អ្នកស្លាប់ ហេតុដូច្នេះហើយមនុស្សត្រូវបានគេជួលសម្រាប់ពិធីបុណ្យសពនិងយំនៅក្នុងបុណ្យសពនោះ។ ប៉ុន្តែនៅកន្លែងខ្លះទំនៀមទម្លាប់នេះត្រូវបានហាមឃាត់ព្រោះវាផ្ទុយនឹងគំនិតល្អ។

៧. ការព្យាបាលជំងឺដោយប្រើមន្តអាគមនិងលាមក៖នៅឆ្នាំ ១៥០០ មុនគស ឥណ្ឌានៅតែជឿជាក់លើការព្យាបាលដោយមន្តអាគមហើយពួកគេក៏ប្រើលាមកមកធ្វើជាថ្នាំសម្រាប់ឲ្យអ្នកដែលឈឺផឹកផងដែរ។ ដោយសារតែពួកគេជឿជាក់ថាលាមកគឺអាចបណ្តេញវិញ្ញាណអាក្រក់នៅក្នុងខ្លួនដែលទំនងជាមូលហេតុដែលនាំឲ្យឈឺ។

៨. ការព្យាបាលជាមួយថ្នាំដែលផលិតពីរាងកាយមនុស្ស៖ជនជាតិរ៉ូមក៏មានការព្យាបាលតាមបែបផែនខ្លួនឯងដែរខុសពីឥណ្ឌា។ ពួកគេជឿថាថ្នាំដែលផលិតចេញពីផ្នែករបស់មនុស្សគឺអាចព្យាបាលជំងឺឆ្កួតជ្រូកនិងឈឺក្បាលបានដូច្នេះអ្នកជំដឺតម្រូវឲ្យផឹកឈាមរបស់អ្នកប្រយុទ្ធខ្លាំងណាម្នាក់ហើយញ៉ាំម្សៅដែលធ្វើពីសពម៉ាំមីផងដែរ៕ ដោយ៖ ឡាវែនដឺរ