នៅថ្ងៃព្រហស្បតិ៍នេះ រដ្ឋាភិបាលថៃបានរាយការណ៍​ថា ប្រទេសថៃមិនមានករណីថ្មីនៃអ្នកឆ្លងមេរោគកូវីដ១៩ទេ ហើយក៏មិនមានអ្នកស្លាប់ថ្មីដែរ។

មជ្ឈមណ្ឌល​រដ្ឋបាលគ្រប់គ្រងស្ថានភាព មេរោគកូវីដ១៩បានមានប្រសាសន៍ថា ​ប្រទេសថៃមានអ្នកជំងឺកូវីដ១៩សរុបចំនួន ៣ ៤៩០ នាក់ ក្នុងនោះមានអ្នកជាសះស្បើយចំនួន ៣ ៣២៥ នាក់ និងបន្សល់ទុកអ្នកជំងឺចំនួន ១០៧ នាក់កំពុង​សម្រាកព្យាបាលនៅក្នុងមន្ទីរពេទ្យ រីឯអ្នកស្លាប់នៅរក្សាចំនួន​ ៥៨ នាក់​ដដែល។ ទន្ទឹមនឹងនេះអ្នកឆ្លងមេរោគកូវីដ១៩ ទូទាំងពិភពលោកបានកើនឡើងដល់ ៣០.០៣ លាននាក់ ​និងមានអ្នកស្លាប់​សរុបចំនួន ៩៤៥ ០៧២ នាក់។

សហរដ្ឋអាមេរិកមាន​អ្នកឆ្លងច្រើនជាងគេគឺ ៦.៨៣ លាននាក់ ​និងមានអ្នកស្លាប់ច្រើនបំផុតគឺ ២០១ ៣៤៨ នាក់​។ ប្រទេសឥណ្ឌាជាប់ចំណាត់ថ្នាក់លេខ ២ ដែលមានអ្នកឆ្លងជំងឺសរុបចំនួន ៥.១១ លាននាក់ ​និងមានអ្នកស្លាប់សរុបចំនួន ៨ ៣២៣ នាក់​។ ប្រទេសប្រេស៊ីលជាប់លំដាប់លេខ ៣ ដែលមានអ្នកឆ្លងសរុបចំនួន ៤.៤២ លាននាក់ ​និងមានអ្នកស្លាប់សរុបចំនួន ១៣៤ ១៧៤ នាក់​៕  

កែសម្រួលដោយ៖ ភារ៉ា

ប្រភព៖ bangkok post