មនុស្សដុះស្លាប មានមាឌតូចៗដែលអ្នកប្រាកដជាធ្លាប់បានឃើញនៅក្នុងខ្សែភាពយន្តគំនូរជីវចលផ្សេងៗរបស់ Disney ដូចជា Tinkerbell ជាដើម។ពេលនេះគ្រោងឆ្អឹងអាថ៌កំបាំងនៃមនុស្សតូចៗដុះស្លាបទាំងនេះត្រូវបានគេរកឃើញនៅបន្ទប់ក្រោមដីនៅទីក្រុងឡុង។ ចង់ដឹងថាយ៉ាងណាមកអានអត្ថបទខាងក្រោមនេះ៖

ផ្ទះមួយខ្នងនៅទីក្រុងឡុងដែលពីមុនធ្លាប់ជាមណ្ឌលកុមារកំព្រាមួយ។ ផ្ទះមណ្ឌលកុមារកំព្រាមួយនេះដើមឡើយគឺជាផ្ទះរបស់ Merrylin ដែលគាត់បានបរិច្ចាគសម្រាប់ធ្វើមណ្ឌលកុមារកំព្រាប៉ុន្តែគ្មានអ្នកណាដឹងទេថាផ្ទះនោះគឺមានបន្ទប់អាថ៌កំបាំងមួយនៅក្រោមដី។ហើយនៅពេលដែលផ្ទះនោះចាស់ទ្រុឌទ្រោមដួលរលំទៅគេក៏បានរកឃើញច្រកទ្វារទៅកាន់បន្ទប់ក្រោមដីនោះ។ 

នៅខាងក្នុងនោះពួកគេបានរកឃើញគ្រោងឆ្អឹងរបស់សត្វចម្លែកជាង ៥០០០ គ្រោងឆ្អឹងដែលមានរូបរាងដូចជានៅក្នុងព្រេងនិទាន។

គេនិយាយថា Merrylin បានធ្វើដំណើរជុំវិញពិភពលោកជាមួយឪពុករបស់គាត់ដែលជាអ្នកសិក្សាអំពីសត្វចំលែកដែលប្រហែលជាមិនធ្លាប់មាន។ បន្ទាប់ពីមរណភាពរបស់ឪពុកគាត់អ្វីទាំងអស់ដែលស្រាវជ្រាវរួមគ្នាត្រូវបានធ្លាក់លើគាត់។ គាត់ថែមទាំងមានសាកសពនៃបិសាចជញ្ជក់ឈាមនៅក្នុងការប្រមូលដ៏អស្ចារ្យនេះទៀតផង។

ប្រសិនបើត្រលប់ទៅទសវត្សឆ្នាំ ១៨០០ វិញអ្នកប្រហែលជាជឿជាក់ថាទាំងនេះគឺពិតជាអដ្ឋិធាតុពិតប្រាកដរបស់សត្វចម្លែកទាំងនោះជាមិនខាន។ វាដូចជាសត្វវេទមន្តដែលចេញពីក្នុងរឿង Harry Portter ។ការពិតទៅទាំងនេះគឺសុទ្ធតែជាស្នាដៃសិល្បៈនៃការកែច្នៃរបស់ Merrylin ប៉ុណ្ណោះដែលស្ទើរតែឲ្យមនុស្សគ្រប់គ្នាយល់ច្រលំថាជាគ្រោងឆ្អឹងសត្វវេទមន្តពិតៗអ៊ីចឹង។បើមិនប្រាប់ការពិត តើអ្នកជឿថាសត្វវេទមន្តទាំងនេះធ្លាប់មានលើលោកយើងនេះដែរទេ?៕ ដោយ៖ Orchid