កុំនាំទុក្ខទោសដាក់ខ្លួនឱ្យសោះ! ត្រូវចេះស្រលាញ់ខ្លួនឯងឱ្យច្រើនៗ​ និងគិតគូឱ្យបានវែងឆ្ងាយផង។

សូមអានសេចក្តីលម្អិតខាងក្រោមនេះ...

១. ក្បត់នឹងឧត្តមគតិខ្លួនឯង

ចូរប្រើសមត្ថភាពនៃការគិតដ៏ត្រឹមត្រូវរបស់អ្នកទៅធ្វើរឿងដែលសមគួរនឹងធ្វើ ជៀសវាងការធ្វើតាមសម្តីរបស់នរណាម្នាក់ដែលងងើល។

២. ចាំចាប់កំហុសអ្នកដទៃ

អ្នកណាក៏ចេះខុសដែរ សូម្បីអ្នកនិងខ្ញុំ។ បើសិនជាអ្នកនោះធ្វើទង្វើនេះដាក់យើង ក៏អហោសិកម្មឱ្យគ្នាចុះ ហើយខ្វល់តែរឿងវិជ្ជមានដែលសាងកំលាំងផ្លូវចិត្តវិញទៅល្អជាង។

៣. ប្រាប់អាថ៌កំបាំងខ្លួនឯងឱ្យអ្នកដទៃដឹង

លាក់ខ្លះទៅ វាមិនមែនជារឿងល្អទេដែលយើងត្រូវអង្គុយហែកហួរខ្លួនឯងឱ្យអ្នកដទៃស្តាប់ «កុំពុះទ្រូងឱ្យក្អែកចឹក កុំប្រាប់ការពិតឱ្យសត្រូវដឹង»

៤. ឈឺឆ្អាលរឿងអ្នកដទៃ

ប្រយ័ត្ននាំរឿងដាក់ខ្លួន មិនជាល្អប៉ុន្មានទេ រឿងខ្លះគួររៀនដកខ្លួន រឿងណាគួរជួយចាំជួយ តែត្រូវឆ្លាត ធ្វើយ៉ាងណាកុំឱ្យប៉ះពាល់ខ្លួនឯង។

៥. ខ្វល់នឹងមនុស្សដែលមិនខ្វល់ពីខ្លួន

វាមិនបានផលគាប់ចិត្តត្រលប់វិញទេ ឈប់បានគួរឈប់ទៅ។ បើទោះជាអ្នកមិនទាមទារអ្វីពីភាពខ្វល់ខ្វាយចំពោះអ្នកដទៃក៏ដោយ តែអ្នកនឹងខាតពេល ហើយហត់ចិត្តទៅវិញទេ។ បើមិនស្រួលដកខ្លួនភ្លាម។