发布作品

简体中文

Knongsrok

· 2024-08-03

៥ យ៉ាង កុំធ្វើឲ្យសោះមុនចូលគេង ព្រោះដូចកំពុងបន្ថយអាយុខ្លួនឯង

#គន្លឹះថែទាំសុខភាព# #សុខភាព# #មុនចូលគេង#

1402

មនុស្សជាច្រើនមិនយល់ច្បាស់នោះទេ អំពីសារៈសំខាន់នៃការគេង។ ជាការពិតរឿងទាំង ៥ ខាងក្រោម ដាច់ខាតអ្នកមិនត្រូវធ្វើនោះទេមុនពេលចូលគេង ព្រោះវាអាចបណ្តាលឲ្យប៉ះពាល់ដល់គុណភាពនៃការគេង ហើយយូរទៅមិនខុសពីកំពុងបន្ថយអាយុជីវិតខ្លួនឯងទេ៖

៥) ចូលគេងភ្លាមៗបន្ទាប់ពីទទួលទានអាហារ

បន្ទាប់ពីទទួលអានអាហារឆ្អែត មនុស្សមួយចំនួនមានអារម្មណ៍ថាងងុយគេង ហើយក៏ដាក់ខ្លួនគេងភ្លាមៗ ដែលនេះវាបានធ្វើឲ្យល្បឿនចលនារំលាយអាហារមានការធ្លាក់ចុះ ហើយការស្រូបយកអាហារូបត្ថម្ភសំខាន់ៗក៏បាត់បង់ផងដែរ។

ជាងនេះការគេងផ្អៀងចំហៀងខ្លួន ក៏អាចបណ្តាលឲ្យក្រពះច្រាល នាំឲ្យក្អួតថែមទៀតផង។ យកល្អអ្នកមិនគួរចូលគេងភ្លាមៗទេ ពោលពេលទទួលទានអាហាររួចគួរមានសកម្មភាពក្រោកឈរ ដើរថ្នមៗ ដើម្បីជំរុញឲ្យចលនាពោះវៀនដំណើរការបានល្អ។

៤) ចូលគេងយឺត

ដោយសារមូលហេតុមួយចំនួន នាំឲ្យមនុស្សចូលគេងយឺត តែយ៉ាងណាការបន្តបញ្ឈរភ្នែកដល់ម៉ោង ២-៣ ព្រឹកជាប្រចាំនោះ គឺមិនល្អឡើយ។ យូរទៅវាបណ្តាលឲ្យប៉ះពាល់ធ្ងន់ធ្ងរដល់ផ្នែកសុខភាពថ្លើម និងសរសៃឈាមបេះដូង។

ជាងនេះត្រូវចាំថា ការគេងមិនគ្រប់គ្រាន់នៅពេលយប់ មិនអាចយកមកសងគ្នាពេលព្រឹកវិញបាននោះទេ ដូច្នេះអ្នកគួរតែបញ្ឈប់ទម្លាប់មិនល្អនេះជាបន្ទាន់។

៣) ផឹកស្រាមុនចូលគេង

បន្ទាប់ពីជាតិស្រាចូលខ្លួន មនុស្សមួយចំនួនមានអារម្មណ៍ថាងងុយគេង ហើយអ្នកខ្លះទៀតដោយសារហេតុផលហ្នឹង ទើបដាក់ស្រាមួយកែវ ពីរកែវជួយឲ្យគេងលក់ស្រួល។ យ៉ាងណាក៏ដោយប្រសិនអ្នកផឹកស្រា ហើយចូលគេងភ្លាម វាក៏អាចបង្កគ្រោះថ្នាក់ដូចជា៖

ការគេងផ្ងារធម្មតា: អាចបណ្តាលឲ្យក្អួតបញ្ច្រាសចូលផ្លូវដង្ហើម នាំឲ្យថប់ដង្ហើមមួយរំពេចបាន

ការគេងផ្កាប់: អាចបង្ហាប់ផ្លូវដង្ហើម នាំឲ្យស្ទះដង្ហើម

២) ការជក់បារី

វាដូចជាតិកាហ្វេអ៊ីន ដែលមានឥទ្ធិពលរំញោចរាងកាយ ហើយការជក់បារី នាំឲ្យបង្កើនអត្រាបេះដូង និងសម្ពាធឈាម ប៉ះពាល់ដល់ដំណេករបស់អ្នកមាន។ អ្នកជក់បារីមុនពេលគេង ច្រើនតែគេងមិនលក់ ជាងអ្នកមិនជក់បារី។

១) ធ្វើលំហាត់ប្រាណ

ការធ្វើលំហាត់ប្រាណអាចជួយឲ្យអ្នកងងុយគេងលឿន និងបំបាត់ស្រ្តេស តែយ៉ាងណាក្រោយត្រលប់ពីហាត់ប្រាណភ្លាម អ្នកមិនគួរឡើងមកលើគ្រែគេងភ្លាមទេ។ យកល្អគួរដាក់គម្លាតគ្នា ៣-៤ ម៉ោង ឬ ៦ ម៉ោងមុនចូលគេង៕

ប្រភព៖ បរទេស | ប្រែសម្រួល៖ ក្នុងស្រុក

免责声明

本文来自柬埔寨头条客户端自媒体,不代表柬埔寨头条观点和立场。如存在侵权问题,联系立删。

全部评论 (4)

098969769

· 02-20

😍😍😍

កូដណែនាំ 91815366

· 01-22

😍😍

អូនតា លេខកូដ63230368

· 01-19

👌👌👌

HeAmsolo

· 2024-12-20

😍😍😍😍

  • 1
前往