ក្នុងការប្រកួតលីគកំពូលបារាំង ជំនួបរវាងម្ចាស់ផ្ទះ FC Nantes ទទួលភ្ញៀវ Paris Saint-Germain ក្នុងនោះផងដែរក្រុមភ្ញៀវជើងខ្លាំងនេះ បានប្រកាសនឹងប្រើប្រាស់ឯកសណ្ឋានពិសេសមួយ ដោយមានរូបនិមិត្តសញ្ញាអាគារបុរាណ Notre Dame ដែលទើបតែឆាបឆេះកាលពីកន្លងទៅថ្មីៗនេះ។

ក្លឹបដែលមានថៅកែជាជនជាតិកាតា ខាងលើបានឲ្យកីឡាករគ្រប់រូបប្រើប្រាស់ឯកសណ្ឋានមួយក្នុងការប្រកួតព្រលឹមនេះ វេលាម៉ោង ១២និង០០នាទី (ម៉ោងនៅកម្ពុជា) ដើម្បីចូលរួមសម្តែងការសោកស្តាយ នៃគ្រោះអគ្គិភ័យដែលបណ្តាលឲ្យខូចខាតអាគារបុរាណមានអាយុកាលប្រមាណ៨៥០ឆ្នាំមកហើយនោះ កាលពីថ្ងៃច័ន្ទកន្លងទៅនេះ៕