OPPO បង្ហាញអេក្រង់ស្មាតហ្វូនថ្មី មានគែមកោងខ្លាំងសម្បើម

#ក្រុមហ៊ុន OPPO# #ស្មាតហ្វូនថ្មី# #បច្ចេកវិទ្យា# #ទូរសព្ទ#

ក្រោយពីបានបង្ហាញអំពីបច្ចេកវិទ្យាកាមេរ៉ា Selfie បង្កប់ខ្លួនជាមួយអេក្រង់រួចមក នៅពេលនេះ OPPO បានបង្ហាញចេញគំនិតច្នៃប្រឌិតថ្មី គឺជាអេក្រង់ស្មាតហ្វូនមានគែមកោងខ្លាំង និងគ្មានប៊ូតុងសងខាងនោះទេ។

អេក្រង់ថ្មីនេះត្រូវបានគេឲ្យឈ្មោះថា Waterfall Screen ដែលមានវិមាត្រអេក្រង់ធៀបនឹងតួខ្លួន ស្ទើរតែ ១០០% ទៅហើយ ហើយគែមអេក្រង់ខាងលើនិងខាងក្រោមពិតជាស្ដើងមែនទែន។

រូបភាពនៃអេក្រង់ត្រូវបានចែករំលែកដោយលោក Brian Shen ដែលជាអនុប្រធានក្រុមហ៊ុន OPPO និងបង្ហោះតាមរយៈគណនី Weibo ផ្ទាល់ខ្លួន។ ប៉ុន្មាននាទីក្រោយមក Blogger និងអ្នកសារព័ត៌មានផ្សេងទៀតក៏បានបង្ហោះរូបរាងអេក្រង់នេះលើបណ្ដាញសង្គម និងមានរូបភាពចលនាចាប់កាន់ស្មាតហ្វូននេះទៀតផង។

ក្រៅពីបង្ហាញអេក្រង់ខាងមុខនេះ រូបរាងខាងក្រោយរបស់ស្មាតហ្វូននៅជាអាថ៌កំបាំងនៅឡើយ។ ហើយគេមិនច្បាស់ថាអេក្រង់នេះអាចប្រើជាគូជាមួយកាមេរ៉ា Selfie ដែលលាក់ខ្លួនក្រោមអេក្រង់ បានឬយ៉ាងណានោះទេ៕

免责声明

本文来自柬埔寨头条客户端自媒体，不代表柬埔寨头条观点和立场。如存在侵权问题，联系立删。