ទោះបីបច្ចុប្បន្ន តារាសម្ដែងថៃលោក Mark Prin មានតារាស្រី Kimberley ជាគូស្នេហ៍ទៅហើយ តែសមត្ថភាពក៏ដូច​ជា​រូប​រាង​សង្ហា​មាន​មន្ត​ស្នេហ៍​របស់​លោក ​នៅតែធ្វើឲ្យហ្វេនជាច្រើនពិសេសស្រីៗរឹតតែគាំទ្រ នឹងលង់ស្នេហ៍ដកចិត្តមិនរួច។

ជាក់ស្ដែងដូចជានៅក្នុងរឿងថ្មីរបស់លោក « My Husband In Law» ដែល Mark សម្ដែងជាមួយ ពេលនេះ​កំពុងមាន​សន្ទុះ​គាំទ្រ​យ៉ាង​ខ្លាំង ​ព្រោះតែការសម្ដែងបានស៊ីសង្វាក់គ្នារវាងអ្នកទាំងពីរ។

យ៉ាងណា ថ្មីៗនេះ មានឈុតថ្មីមួយដែល Mark ត្រូវបាន​គេ​ចា​ប់​​​អារម្មណ៍​យ៉ាង​ខ្លាំង បន្ទាប់ពីលោក​បានសម្ដែង​ស្លៀក​ឈុត​បុ​រា​ណ​ ​​ព្រម​ទាំង​បង្ហាញ​ចេញ​នូវ​រាង​កាយ​ដ៏​មាំ ​កាយ​វិការ​​ស៊ិច​ស៊ី​សាច់​​ដុំ​​ធំ​ៗធ្វើឲ្យ Mew បើកភ្នែកធំៗ តាមមើល​រូបរាង​ដ៏​សង្ហា​របស់​លោក​​ភ្លឹក​​។

ទោះជាយ៉ាងនេះក្ដី នេះគ្រាន់តែជាការស្រមើរស្រម៉ៃរបស់ Mew នៅក្នុងភាគមួយនៃរឿងប៉ុណ្ណោះ តែរូបរាងសង្ហារមាំៗរបស់ Ma​rk​ ​វិញ​គឺ​ជា​ការ​ពិត ថែមទាំងបានធ្វើឲ្យហ្វេនស្រីៗជាច្រើន មើលហើយចង់មើលទៀត នឹងពោលសរសើរមិនឈប់៕