ភ្នំពេញ៖នារសៀលថ្ងៃទី០៦ មីនា ឆ្នាំ នេះ កម្ពុជា នឹងផ្ដើមប្រារព្ធទិវាវប្បធម៌ជាតិលើកទី២១ ក្រោមប្រធានបទ «យុវជនដើម្បីវប្បធម៌ជាតិ» ។ ពិធីនេះប្រព្រឹត្តទៅនៅមជ្ឈមណ្ឌលកោះពេជ្រ ក្នុងរាជធានី ដោយមានការចូលរួមជាកិត្តិយសពីសំណាក់ សម្ដេចនាយករដ្ឋមន្ត្រី ហ៊ុន សែន និងសម្ដេចគតិព្រឹទ្ធបណ្ឌិត ប៊ុន រ៉ានីហ៊ុនសែន ។

សម្ដេចនាយករដ្ឋមន្ត្រីបានបញ្ជាក់ថា ទិវាវប្បធម៌ជាតិ៣មីនា ជាទិវាដ៏សំខាន់មួយសម្រាប់ប្រទេសជាតិ និងជាឱកាសដើម្បីរំលឹកដល់គុណូបការៈ និងស្នាដៃដ៏វិសេសវិសាលរបស់បុព្វបុរសនៃយើង ដែលបានបន្សល់ទុកនូវមរតកវប្បធម៌ដ៏សម្បូរបែប និងមានតម្លៃមិនអាចកាត់ថ្លៃបានដល់កូនចៅជំនាន់ក្រោយ។

តាមគម្រោងក្រោយការបញ្ចប់ពិធី សម្ដេចនាយករដ្ឋមន្ត្រីក៍និងចូលរួមពិសារភោជនីយអាហារ ជាមួយក្រុមមន្រ្តីពីក្រសួងវប្បធម៌ និងវិចិត្រសិល្បៈ រួមទាំងសិល្បករ -សិល្បការិនីផងដែរ ៕ tnaot