តារាចម្រៀង ស៊ឹម ថៃណា មួយរយៈនេះនាងហាក់ដូចជាស្ងប់ស្ងាត់លើវិថីសិល្បៈគេពុំសូវដែលឃើញនាងបង្ហាញវត្តមាននៅក្នុងកម្មវិធីសិល្បៈតូចធំនោះទេ ស្រាប់តែថ្មីៗនេះនាងបង្ហាញពីអារម្មណ៏ខឹងយ៉ាងខ្លាំងជាមួយអ្នកដែលធ្វើបាបផ្លូវចិត្តនាង។

ស៊ឹម ថៃណា បានបង្ហាញអារម្មណ៏ច្រឡោតយ៉ាងខ្លាំងចំពោះអ្នកដែលពូកែ កុហក បោកប្រាស់រូបនាងរូបនាងម្ដងហើយម្ដងទៀតដល់ថ្នាក់ធ្វើឲ្យតារាចម្រៀងរូបនេះអត់ទ្រាំមិនបានក៏បង្ហោះសារនៅលើហ្វេសបុកផ្ទាល់ខ្លួនថា៖ “សុំចប់ សុំជំរាបលា ពពួកមនុស្សខ្លាំងខាងបោកប្រាស់ កុហក ល្បិចកល ភូតភរ អាត្មានិយម” ។

ចំពោះរឿងរ៉ាវទប់អារម្មណ៍មិនបានដល់ថ្នាក់បង្ហោះជាសាធារណៈនៅលើហ្វេសប៊ុកនេះ ស៊ឹម ថៃណា មិនអាចសុំបកស្រាយបញ្ជាក់បានទេ ដោយទូរស័ព្ទរបស់នាង មិនអាចសុំការបកស្រាយបាន។

គួររម្លឹកថា ស៊ឹម ថៃណា ជាតារាចម្រៀងមួយដួងដែលទទួលបានការគាំទ្រច្រើនពីមហាជនទាំងក្នុងនិងក្រៅសិល្បៈផងដែរកាលពីប៉ុន្មានឆ្នាំមុន។

អត្ថបទដោយ៖ សុក លក្ខិណា