លីគជើងឯកកម្ពុជារដូវកាល២០១៩នេះឈានដល់សប្តាហ៍ទី៤ហើយមាន៧គូដួចសប្តាហ៍មុនៗ។ ក្រុមខ្លាំងៗភាគច្រើនជួបគូប្រកួតដែលមានកម្រិតធូរស្រាល ប៉ុន្តែគូឲ្យចាប់អារម្មណ៍បំផុតគឺក្រុមមិនដែលចាញ់ព្រះខ័នរាជស្វាយរៀងបើកទ្វារផ្ទះរបស់ខ្លួនទទួលក្រុមល្បីឈ្មោះ ភ្នំពេញក្រោន។

ក្រុមភ្នំពេញក្រោន

ថ្ងៃសៅរ៍ ទី២០ មេសានេះ ក្រុមអាស៊ីអឺរ៉ុបបើកទ្វារទីលានរបស់ខ្លួននៅអរិយក្សត្រវេលាម៉ោង៣:៣០នាទីរសៀលដើម្បីស្វែងរក៣ពិន្ទុពីភ្ញៀវ គីរីវង់សុខសែនជ័យ។ នៅម៉ោងដំណាលគ្នានេះ ក្រុមយុវជនអាយុ១៨ឆ្នាំបាទីក៏ទទួលស្វាគមន៍ក្រុមហោះហើរមកពីខេត្តសៀមរាប អង្គរថាយហ្គឺរនៅទីលានសាលាបាល់ទាត់ជាតិបាទីខេត្តតាកែវ។ ថ្ងៃជាមួយគ្នានេះ ក្រុមក្បែរគ្នា អគ្គិសនីកម្ពុជាធ្វើដំណើរទៅរក៣ពិន្ទុពីក្រុមខ្លាំងវិសាខា វេលាម៉ោង៦ល្ងាចនៅទឹកដីវិសាខា។

ថ្ងៃអាទិត្យ ទី២១ មេសាមាន៤គូដែលប្រកួតម៉ោងដំណាលគ្នាវេលាម៉ោង៣:៣០នាទីរសៀលមាន៣គូគឺក្រុម ខេត្តកំពង់ចាមជួបបឹងកេត នៅទីលានប៊ុនរ៉ានីហ៊ុនសែនមេមត់។ ប៉ូលិស ប៉ះ ក្រសួងការពារជាតិ នៅទីលានអគ្គិសនីកម្ពុជា និងសូលទីឡូអង្គរទទួល ណាហ្គាវើល នៅទីលានខេត្តសៀមរាប។

ដោយឡែកវេលាម៉ោង៦ល្ងាច ម្ចាស់ផ្ទះព្រះខ័នរាជស្វាយរៀងអាចនឹងទទួលបានជ័យជម្នះជាលើកទី៤ តាមរយៈទទួលក្រុមភ្នំពេញក្រោននៅទីលានខេត្តស្វាយរៀង។ រហូតដល់ពេលនេះ ស្វាយរៀងកំពុងឈរលើកំពូលតារាង បន្ទាប់ពី៣ប្រកួត ឈ្នះទាំង៣ប្រកួត ខណៈភ្នំពេញក្រោនឈ្នះ១ប្រកួត ចាញ់២ប្រកួត។

កម្មវិធីប្រកួតថ្ងៃសៅរ៍ ទី២០ មេសា ២០១៩

- អាស៊ីអឺរ៉ុប vs គីរីវង់សុខសែនជ័យ ម៉ោង៣:៣០នាទីរសៀល នៅទីលានស្ពតផាក

- យុវជន១៨ឆ្នាំបាទី vs អង្គរថាយហ្គឺរ ម៉ោង៣:៣០នាទីរសៀល នៅទីលានបាទី

- វិសាខា vs អគ្គិសនីកម្ពុជា ម៉ោង៦ល្ងាច នៅទីលានវិសាខា

កម្មវិធីប្រកួតថ្ងៃអាទិត្យ ទី២១ មេសា ២០១៩

- ខេត្តកំពង់ចាម vs បឹងកេត ម៉ោង ៣:៣០នាទីរសៀល នៅទីលានប៊ុនរ៉ានីហ៊ុនសែនមេមត់

- ប៉ូលិស vs ក្រសួងការពារជាតិ ម៉ោង ៣:៣០នាទីរសៀល នៅទីលានអគ្គិសនីកម្ពុជា

- សូលទីឡូអង្គរ vs ណាហ្គាវើល ម៉ោង ៣:៣០នាទីរសៀល នៅទីលានខេត្តសៀមរាប

- ព្រះខ័នរាជស្វាយរៀង vs ភ្នំពេញក្រោន ម៉ោង ៦ល្ងាច នៅទីលានខេត្តស្វាយរៀង