តូក្យូ៖ភ្នាក់ងារអវកាសរបស់ ប្រទេសជប៉ុន បាននិយាយថា អ្នកវិទ្យាសាស្ត្រ ជប៉ុនបានទទួលជោគជ័យ ក្នុងការបង្កើតនូវអ្វីហៅថា ជា “រណ្ដៅដីសិប្បនិម្មិត” ដំបូងបង្អស់ នៅលើអាចម៍ ផ្កាយដែលជា ជំហានឆ្ពោះទៅរកការបំភ្លឺ អំពីរបៀបវិវឌ្ឍ ប្រព័ន្ធព្រះអាទិត្យ យោងតាមការចេញផ្សាយពីគេហទំព័រ ជប៉ុនធូដេ។

ការប្រកាសនេះធ្វើឡើងបន្ទាប់ ពីការស្រាវជ្រាវរបស់ Hayabusa2 បានបាញ់ឧបករណ៍ ផ្ទុះនៅផ្កាយព្រះគ្រោះ Ryugu នៅដើមខែនេះ ដើម្បីបំផ្លាញ់រណ្តៅដីនៅលើផ្ទៃ ខាងលើ និងទាញយកសម្ភារៈបង្ហាញពីដើមកំណើត នៃជីវិតនៅលើផែនដី។

លោក Yuichi Tsuda អ្នកគ្រប់គ្រងគម្រោង Hayabusa2 នៅទីភ្នាក់ងារអវកាសជប៉ុន JAXA បានប្រាប់ក្រុម អ្នកយកព័ត៌មានថា ពួកគេបានបញ្ជាក់ថា រណ្តៅបាក់បែកពីរូបភាព ដែលចាប់បានដោយ ការស៊ើបអង្កេត ដែលស្ថិតនៅចម្ងាយ ១,៧០០ម៉ែត្រពីផ្ទៃផ្កាយ៕