អាល្លឺម៉ង់៖ការប្រកួតពានរង្វាន់DFL-Supercupមុនបើករដូវកាល Bundesliga កាលពីយប់មិញ ក្លិបបាល់ទាត់Borussia Dortmundបានយកឈ្នះក្លិបBayern Munichក្នុងលទ្ធផល ២-០ ក្រោមក្រសែភ្នែកអ្នកគាំទ្រនៅទីលាន ៨១ ៣៦៥នាក់។នៅក្នុងការប្រកួតនោះ គេសង្កេតឃើញ BayernMunich ជាអ្នកសម្រុកច្រើនជាង ហើយមានឱកាសស៊ុតដល់ទៅ ១៦ដង និងចំគោលដៅ ៧ដង ខណៈ Dortmund មានឱកាសស៊ុតត្រឹមតែ ៥ដង និងត្រូវគោលដៅ ៤ដងប៉ុណ្ណោះ។

២គ្រាប់របស់ Dortmund រកបានអតីតខ្សែប្រយុទ្ធរបស់ Barcelona កីឡាករ Paco Alcacer នៅនាទី ៤៨ និងមួយគ្រាប់ទៀតរកបានដោយខ្សែប្រយុទ្ធវ័យក្មេងកំពុងឡើងជើង Jordan Sancho។គួរបញ្ជាក់ដែរថា ពានរង្វាន់មុនបើករដូវកាល DFL-Supercup នេះគឺជាពានរង្វាន់ដែលក្រុមជើងឯកលីគ Bundesliga ត្រូវប៉ះជាមួយក្រុមជើងឯក DFB-Pokal ប៉ុន្តែដោយសារតែកាលពីរដូវកាលមុន Bayern Munich បានឈ្នះពានទាំងពីរនោះ ទើបតម្រូវឲ្យក្រុមជើងឯករង ប៉ះជាមួយក្រុមជើងឯកក្នុងលីគវិញ៕