ការដាក់ទណ្ឌកម្មរបស់អាមេរិកទៅលើអ៊ីរ៉ង់មិនបានធ្វើឲ្យទីក្រុងតេអ៊ីរ៉ង់ ខ្លាច ចុះញ៉មអាមេរិកនោះឡើយផ្ទុយទៅវិញអ៊ីរ៉ង់បានឡើងគម្រោងប្តឹងអាមេរិក ទាមទាប្រាក់ដំណង ពីការខូចខាតដោយទណ្ឌកម្មខុសច្បាប់របស់អាមេរិក។

រដ្ឋមន្ត្រីក្រសួងការបរទេសអ៊ីរ៉ង់បានប្រតិកម្មយ៉ាងខ្លាំងទៅលើការដាក់ទណ្ឌកម្មថ្មីរបស់អាមេរិក ទៅលើវិស័យឧស្សាហកម្ម អ៊ីរ៉ង់ ។ ទីក្រុងវ៉ាស៊ីនតោនចាំបាច់ត្រូវតែសងសំណងពីការខូចខាត ពាក់ព័ន្ធការដាក់ទណ្ឌកម្មរបស់អាមេរិក។

សារព័ត៌មាន Fars បានផ្សាយថា រដ្ឋមន្ត្រីក្រសួងការបរទេសអ៊ីរ៉ង់ បានថ្កោលទោសដល់សកម្មភាពរបស់អាមេរិក បង្កើនទណ្ឌកម្ម។អ្នកនាំពាក្យ រដ្ឋមន្ត្រីក្រសួងការបរទេសអ៊ីរ៉ង់ លោក Seyed Abbas Mousavi បានបញ្ជាក់ថា «ការដាក់ទណ្ឌកម្ម ឯកតោភាគីរបស់អាមេរិកផ្ទុយទៅនឹងច្បាប់អន្តរជាតិ ពិសេសគឺការសន្យាជាលក្ខណអន្តរជាតិមាននៅក្នុងរដ្ឋធម្មនុញ្ញរបស់អង្គការសហប្រជាជាតិ ។ តាមសន្ធិសញ្ញា អន្តរជាតិ Amity និងសេចក្តីសម្រេចរបស់តុលាការយុត្តិធម៌អន្តរជាតិ អាមេរិកត្រូវតែ ទទួលខុសត្រូវពីការដាក់ទណ្ឌកម្មទាំងល្មើសច្បាប់របស់ខ្លួនទៅលើប្រទេសអ៊ីរ៉ង់ »៕