ភ្នំពេញ៖ តារាសម្តែងដែលមានរូបរាងខ្ពស់សង្ហា លោក ឃឹម ហ្សានីត ដែលទទួលបានការគាំទ្រខ្លាំងតាមរយៈការសម្តែង ខ្សែភាពយន្ត និង MV ជាច្រើនបទ នាពេលខាងមុននេះលោកនឹងចូលរោងការជាមួយអនាគតភរិយារបស់លោកនៅថ្ងៃទី ១៣ ខែ ឧសភា ឆ្នាំ ២០១៩ ខាងមុខនេះហើយ។

បើនិយាយអំពីជីវិតស្នេហារបស់លោកមិនដែលបានបង្ហាញឲ្យប្រិយមិត្តបានដឹងនោះទេ។ ព្រោះថាលោកចង់ឲ្យប្រិយមិត្តមានការភ្ញាក់ផ្អើលពីការចូលរោងការជាមួយអនាគតភរិយារបស់លោក។

ថ្មីៗនេះលោកបានបង្ហាញមុខមាត់អនាគតភរិយាដែលខ្វះតែ៣ថ្ងៃទៀតប៉ុណ្ណោះលោកនឹងចូលរោងការទៅហើយ។ ការបង្ហាញជាសាធារណៈបែបនេះ ធ្វើឲ្យប្រិយមិត្តរាល់គ្នា មានភាពភ្ញាក់ផ្អើលខ្លាំង ជាពិសេស សម្រស់អនាគតភរិយា របស់លោក ស្រស់ស្អាត សាច់សខ្ចី មិនចាញ់តារាស្រីនានាប៉ុន្មាននោះទេ៕

អត្ថបទដោយ៖ ឃុន យ៉ា