មនុស្ស៥នាក់បានស្លាប់ និង១០នាក់បានរងរបួសធ្ងន់ធ្ងរ ត្រូវបញ្ជូនទៅសង្គ្រោះបន្ទាន់នៅមន្ទីរពេទ្យ ក្រោយពីហេតុការណ៍យន្តហោះ២គ្រឿងបុកគ្នា នៅលើពាក់កណ្តាលអាកាស ស្ថិតនៅក្នុងរដ្ឋ អាឡាស្កា សហរដ្ឋអាមេរិក ។

ការបុកគ្នានេះ បានកើតឡើងនៅតំបន់ Coon Cove រដ្ឋអាឡាស្កា ។ នេះបើយោងតាមរដ្ឋបាលអាកាសចរណ៍សហព័ន្ធ (FAA) បញ្ជាក់ប្រាប់ប្រភពព័ត៌មាន កាលពីថ្ងៃទី១៤ ខែឧសភា ឆ្នាំ២០១៩ ។ FAA បានប្រាប់សារព័ត៌មាន ABC News ថា យន្តហោះ de Havilland DHC-2 Beaver និង de-Havilland Otter DHC-3 "បានបុកគ្នានៅពាក់កណ្តាលអាកាស ក្រោមកាលៈទេសៈមួយដែលមិនបានដឹងច្បាស់" ។

អាជ្ញាធរក្នុងតំបន់ បានបានប្រាប់ ក្រុម FAA ថា មានមនុស្ស៥នាក់ ស្ថិតនៅលើយន្តហោះធុនតូច Beaver ហើយនិងមនុស្ស១១នាក់ផ្សេងទៀត ស្ថិតនៅលើយន្តហោះធុនតូច Otter ។

អ្នកនាំពាក្យមន្ទីរពេទ្យ លោកស្រី Mischa Chernick បានប្រាប់ ABC News ថា អ្នករងរបួសចំនួន១០នាក់ បានបញ្ជូនទៅមជ្ឈមណ្ឌលសុខភាពសន្តិភាព Ketchikan ។ វេជ្ជបណ្ឌិត Chernick បានថ្លែងថា អ្នកជំងឺបីនាក់ ស្ថិតក្នុងស្ថានភាពធ្ងន់ធ្ងរ និង៧នាក់ស្ថិតក្នុងស្ថានភាពប្រក្រតី ។

យន្តហោះទាំងពីរគ្រឿងនេះ បានហោះហើរកម្សាន្ត តាមរយៈដំណើរកម្សាន្ត Princess Cruise Lines ។ ក្រុមហ៊ុននេះបានបញ្ជាក់នៅក្នុងសេចក្តីថ្លែងការណ៍មួយ ទៅកាន់ បណ្តាញព័ត៌មាន ABC News ថា មានមនុស្ស៥នាក់បានស្លាប់ ៕