លោក Zidane កំពុងត្រូវការបញ្ចេញខ្សែប្រយុទ្ធវែល Gareth Bale ចេញពីក្លឹប ស្របពេលនេះដែរ រូបគាត់ក៏កំពុងសម្លឹងស្វែងរកអ្នកមានសមត្ថភាពមកជំនួសកៅអីមួយនេះត្រៀមរដូវកាលថ្មីជារួមផង។

ជាក់ស្តែង ខ្សែប្រយុទ្ធអាហ្សង់ទីន Paulo Dybala ត្រូវបានគេរាយការណ៍ថា ជាជម្រើសដំបូងនៅក្នុងចិត្តលោក Zinedine Zidane ដែលត្រៀមនាំចូលទៅធ្វើកូនក្រុមនៅឯទឹកដីអេស្ប៉ាញនារដូវកាលថ្មី ២០១៩-២០២០។ មិនតែប៉ុណ្ណោះ Paulo Dybala មិនសូវទទួលបានឱកាសលេងនោះទេនៅJuventus ក្រោយពីCristiano Ronaldoមកដល់។

យ៉ាងណាក៏ដោយ បើReal Madrid ពិតជាចង់បានកីឡាកររូបនេះពិតប្រាកដមែននោះ យ៉ាងហោចណាស់ក៏ត្រូវចំណាយតម្លៃខ្លួនមិនតិចផងដែរ៕