តារាចម្រៀងដែលប្រជាប្រិយភាពខ្លាំងទាំងក្នុងនិងក្រៅស្រុក កញ្ញា មាស សុខសោភា ត្រូវបានហ្វេនៗជាច្រើននិយាយពីកញ្ញាចំនួន១៦ចំនុចដែលសុទ្ធសឹងតែជារឿងពិតតែម្តងរបស់កញ្ញាដែលពួកគាត់បានកត់សម្គាល់។

កាលពីមិ្សលមិញមានហ្វេនរបស់ កញ្ញា មាស សុខសោភា ដែលកាន់ករណីហ្វេសប៊ុកឈ្មោះ “ហុង វាសនា” បានលើកឡើងថា:

រឿងពិតទាំង ១៦យ៉ាងរបស់បងស្រី មាស សុខសោភាៈ
1.ជាតារាចម្រៀងឯករាជ្យ តែអ្នកគាំទ្រមួយចំនួនអាចនឹងយល់ច្រលំថាគាត់ជាតារាចម្រៀងកុងត្រាជាមួយផលិតកម្មថោន តែការពិតគាត់មិនបានចុះកុងត្រាជាមួយផលិតកម្មមួយនេះទេ ព្រោះគាត់គិតថាការយោគយល់អធ្យាស្រ័យគ្នារឹងមាំជាងកុងត្រាទៅទៀត។
2.ជាតារាចម្រៀងស្រីរបស់ប្រទេសកម្ពុជាដែលមានអ្នកគាំទ្រក្នុងបណ្តាញសង្គមហ្វេសបុកច្រើនជាងគេ (ជាង៤លាននាក់)។
3.ក្រៅពីច្រៀងតាមបណ្តាផលិតកម្មផ្សេងៗ មាស សុខសោភា ក៏មានផលិតកម្មផ្ទាល់ខ្លួនមួយផ្សេងទៀតដែលមានឈ្មោះថា Camtrax Music ដែលផលិតតែបទចម្រៀងនិពន្ធថ្មីសុទ្ធសាធ។
4.មិត្តភ័ក្រប្រុសជិតស្និទ្ធិរបស់គាត់គឺ លោក ហ្សូណូ និងលោក ឆន សុវណ្ណរាជ (ទោះពួកគាត់នៅផលិតកម្មផ្សេងគ្នា តែមិត្តភាពពួកគាត់នៅតែស្អិតរមួត)។
5.បទចម្រៀងដែលធ្វើអោយគេស្គាល់គាត់ និងធ្វើអោយគាត់ចាប់ផ្តើមល្បីគឺបទ«អូននឹកៗបង» និងបទ«រស់ក្បែរទ្រូងបងសែនកក់ក្តៅ» ។
6.ផលិតកម្មដែលគាត់ធ្លាប់ច្រៀងមាន រស្មីស្ទឹងសង្កែ យូធូ ចេនឡាប្រាឌ័រ អិម សាន់ដេ និងផលិតកម្មថោន ក្រៅពីនោះនៅមានផលិតកម្មដែលផលិតបទចម្រៀងសម្រាប់លក់នៅក្រៅប្រទេសជាច្រើនផលិតកម្មទៀត។
7.ជាតារាចម្រៀងដែលធ្លាប់ច្រៀងបទចម្រៀងនិពន្ធថ្មីដែលល្បីតាំងពីយូរណាស់មកហើយ គ្រាន់តែមិនសូវមានអ្នកដឹង( បទ១នាទី)។
8.ជាតារាចម្រៀងស្រីដែលតែងតែយោងដៃគូចម្រៀងរបស់ខ្លួនអោយល្បីល្បាញ (តារាចម្រៀងប្រុសដែល បានច្រៀងដៃគូជាមួយគាត់តែងតែល្បី)។
9.ក្រៅពីបទចម្រៀងសម័យ បទប្រជាប្រិយខ្មែរ គាត់នៅអាចច្រៀងបទប្រពៃណីខ្មែរ(ភ្លេងការ) បានយ៉ាងពិរោះរណ្តំ។

10.ជាតារាចម្រៀងស្រីដំបូងគេដែលប្រកាសឈប់ច្រៀងបទចម្រៀងចម្លងពីបរទេស ។

11.ជាតារាចម្រៀងខ្មែរដំបូងគេដែលបទចម្រៀងរបស់គាត់ ត្រូវបានអនុញ្ញាតអោយបញ្ចូលទៅក្នុង VEVO ។
12.ជាតារាចម្រៀងដែលអាចធ្វើអោយបទប្រជាប្រិយខ្មែរមានសន្ទុះគាំទ្រប្រហាក់ប្រហែលទៅនឹងបទបែកស្លុយ នាពេលចូលឆ្នាំខ្មែរ ទាំងដែលបទបែកស្លុយជាបទដែល ពេញនិយមបំផុតនាពេលបច្ចុប្បន្ន។
13.អ្នករាំជំនិតរបស់គាត់ម្នាក់ឈ្មោះ តី ក្រៅពីចេះរាំយ៉ាងស្ទាត់ជំនាញក៏ចេះច្រៀងផងដែរ ម្ចាស់បទ «វាយម៉ាលុយ» ដែលកំពុងតែល្បីល្បាញក្នុងហ្វេសបុក យូធូ...។
14.ក្រៅពីជាតារាដែលពូកែថែសម្លេងអោយនៅតែពិរោះ រណ្តំ គាត់ក៏ជាតារាដែលពូកែថែរក្សាស្នេហាអោយនៅគង់វង្សផងដែរ ព្រោះបើតាមដឹងស្នេហារបស់គាត់មានអាយុកាលជាង១០ឆ្នាំហើយ តែគាត់នៅរក្សាបានយ៉ាងរឹងមាំ។

15.នៅពេលមានមហាជនរិះគន់ម្តងៗ គាត់មិនដែលចេញ
មុខតតាំងតាមរយះហ្វេសបុក រឺសារពត៌មានផ្សេងៗទេ ព្រោះគាត់គិតថាគាត់ជាមនុស្សរបស់មហាជន ហើយអំពើល្អរបស់គាត់នឹងជ្រាបដល់បេះដូងអ្នកគាំទ្ររបស់គាត់បន្តិចម្តងៗ។
16.ជាតារាចម្រៀងដែលមិនសូវមានហ្វេន តាមហ៊ោកញ្ចៀវតាមឆាកតន្រ្តី តែហ្វេនស្តាប់បទចម្រៀងគាត់តាម ផ្ទះមានច្រើន ព្រោះអ្នកគាំទ្ររបស់គាត់ភាគច្រើនជាមនុស្សវ័យកណ្តាលច្រើនជាងយុវវ័យ និយាយតាមត្រង់សូម្បីតែខ្ញុំគាំទ្រគាត់ជាង១០ឆ្នាំហើយ តែមិនដែលបានទៅមើលគាត់ច្រៀងសូម្បីតែម្តង។
**ទាំងនេះគ្រាន់តែជាអ្វីដែលខ្ញុំដឹងខ្លះដោយខ្លួនឯង និង តាមរយះសារពត៌មានប៉ុណ្ណោះ បើខុសត្រង់ចំណុចណា១ សូមហ្វេនរបស់គាត់ទាំងអស់មេត្តាជួយកែតម្រូវគ្នា។

ចំនុចខាងលើទាំនេះគឺជាមតិរបស់ហ្វេនរបស់កញ្ញាបានលើកឡើងនិងបង្ហាញឲ្យហ្វេនៗដ៏ទៃស្គាល់ពីកញ្ញាកាន់តែច្បាស់៕

អត្ថបទដោយ៖ ឃុន យ៉ា