Colin

· 2019-04-14

អតីត​សមាជិក​ហង្ស​ក្រហម Liverpool កីឡាករ Yossi Benayoun ប្រកាស​ចូលនិវត្តន៍​ហើយ​

0

អតីតកីឡាករនៃក្រុមហង្សក្រហម Liverpool, Chelsea, Arsenal នឹងក្លឹបញញួរធំ West Ham United, Yossi Benayoun បានប្រកាសពីការចូលនិវត្តន៍ពីបាល់ទាត់ហើយនៅព្រឹកថ្ងៃសុក្រ។

Benayoun ដែលឈានចូលវ័យ ៣៩ឆ្នាំខែឧសភាខាងមុខ បានប្រកាសពីការឈប់លេងបាល់ទាត់ហើយ ក្រោយចំណាយពេល ២២ឆ្នាំក្នុងអាជីពបាល់ទាត់ ដែលដំបូងឡើយចាប់ផ្ដើមជាមួយក្លឹបក្នុងស្រុក Hapoel Sheva របស់អ៊ីស្រាអែលក្នុងឆ្នាំ១៩៩៧។ គួររំលឹកថា ជីវិតបាល់ទាត់របស់ Yossi Benayoun ទទួលបានជោគជ័យបំផុតនោះ គឺពេលលេងឲ្យហង្សក្រហម Liverpool មុនពេលផ្លាស់ទៅលេងក្នុងនាមជាខ្សែបំរើឲ្យ Chelsea ជួយដណ្ដើមជើងឯក UEFA Europa League ក្នុងឆ្នាំ២០១៣។

Yossi Benayoun ដែលលេងឲ្យ Liverpool បាន ៩៧ប្រកួតក្នុង ៣រដូវកាលបានបញ្ចប់អាជីពខ្លួនជាមួយក្រុម Beitar Jerusalem ក្រោយផ្ទេរកាលដើមឆ្នាំ២០១៩ នេះនឹងលេងបាន ៣ប្រកួតប៉ុណ្ណោះ។ សម្រាប់ការងារជាមួយក្រុមជម្រើសជាតិ Yossi Benayoun បង្ហាញមុខ ១០២ប្រកួតឲ្យអ៊ីស្រាអែលគិតពីឆ្នាំ២០០៨ នឹងស៊ុតបញ្ចូលទីបាន ២៤គ្រាប់ផងដែរ៕

សេចក្តីថ្លែងការណ៍លើកលែង

អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និង​គោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។

យោបល់ទាំងអស់ (0)

ការណែនាំពិសេស