ផ្លែក្រូចសើច មានអត្ថប្រយោជន៍ជាច្រើនរាប់មិនអស់វាមានប្រសិទ្ធសម្រាប់ទាំងសុខភាពនិងសម្រស់ អ្វីដែលពិសេសវានៅអាចយកធ្វើជាសាប៊ូកក់សក់បានថែមទៀត វានឹង៖

-ជួយបម្រុងសក់ កែបញ្ហាសក់ជ្រុះ៖ ដោយការនាំយកផ្លែក្រូចសើចកន្លះផ្លែ មកញីនៅលើក្បាលក្រោយកក់សក់ ហើយផ្អាប់ទុកមួយសន្ទុះចាំលាងចេញ។ ឬម្យ៉ាងទៀតគឺនាំយកទឹកក្រូចសើចមកកក់សក់ទុកចោលប្រមាណ១០នាទី ក៏អាចជួយកម្ចាត់របស់កខ្វក់នានាចេញពីស្បែកក្បាល និងសរសៃសក់បានយ៉ាងងាយ។

-ជួយកម្ចាត់អង្គែ៖ ដោយនាំយកផ្លែក្រូចសើចទៅអាំងភ្លើងតិចៗ ទាល់តែវាចេញប្រេងពីសំបក និងមានក្លិនឈ្ងុយផង។ បន្ទាប់មកយកវាមួយចំហៀងមកច្របាច់យកទឹកលាបលើក្បាល ព្រមទាំងសរសៃសក់ឱ្យសព្វ។ អប់ទុកចោលប្រហែលពី ១៥-៣០នាទី ចាំលាងជម្រះចេញជាមួយទឹកស្អាត។ វិធីនេះក្រៅពីអាចជួយកម្ចាត់អង្គែក៏សាកសមជាមួយអ្នកដែលមានបញ្ហារមាស់ស្បែកក្បាលផងដែរ។

-ជួយឱ្យសក់មានសភាពខ្មៅរលើបរលោង៖ ដោយនាំយកផ្លែក្រូចសើចពាក់កណ្តាលផ្លែយកទៅស្ងោរ ដោយដាក់បរិមាណផ្លែក្រូចសើច២ភាគ ទឹក១ភាគ ជាមួយនឹងការប្រើភ្លើងតិចៗល្មម។ យកវាមកបិតគម្របទុកឱ្យត្រជាក់ សឹមយកក្រណាត់ស្អាតមកច្រោះយកកាកចោល។ ក្រោយមកយកទឹកវាមកលាបលើស្បែកក្បាល និងសរសៃសក់ឱ្យសព្វដូចជាការកក់សក់យ៉ាងដូច្នេះដែរ។ អាចប្រើជំនួសជាសាប៊ូ ឬជាក្រែមបន្ទន់សក់ក៏បាន។

ខាងក្រោមនេះជា២វិធីក្នុងការធ្វើសាប៊ូកក់សក់ពីផ្លែក្រូចសើច៖

+រូបមន្តទី១៖

គ្រឿងផ្សំ៖

-ក្រូចសើច៣-៥ផ្លែ

-ស្លឹក Baimee ១០ សន្លឹក

-ទឹកអង្ករ១លីត្រ

វិធីធ្វើ៖ យកទឹកអង្ករមកដាំឱ្យពុះ ហើយយកផ្លែក្រូចសើចមកពុះជាពីរ និងយកស្លឹក Baimee ទៅបង់ចូលគ្នា។ រង់ចាំឱ្យវាពុះប្រមាណជា១០នាទី សឹមលើកចុះ បិទគម្របទុកឱ្យត្រជាក់សិន។ ក្រោយមកយកក្រណាត់ស្អាតមកច្រោះយកកាកវាចេញឱ្យស្អាត និងយកទៅចាក់ទុកក្នុងដបដើម្បីរក្សាទុកធ្វើជាសាប៊ូកក់សក់។

+រូបមន្តទី២៖

គ្រឿងផ្សំមានដូចជា៖

-ផ្លែក្រូចសើច៣ទៅ៥ផ្លែ

-Angel Grass ១កូនចានតូច។

វិធីធ្វើ៖ យកផ្លែក្រូចសើចពុះជាពីរ ចំណែកឯស្លឹក Angel Grass វិញយកទៅលាងទឹកឱ្យស្អាត ហើយប្រើទាំងឬសទាំងស្លឹក។ ដាក់ចូលគ្នា នឹងចាក់ទឹកអង្ករបន្តិចចូលផង ហើយយកទៅដាំដោយប្រើកម្តៅល្មមៗ។ ទុកឱ្យពុះប្រមាណជា២០នាទី ចាំលើកចេញ និងបិទគម្របទុកឱ្យត្រជាក់។ បន្ទាប់ស្រង់យកកាកចោល យកទឹកមកកក់សក់ជាការស្រេច។

(ប្រភពអត្ថបទ៖ win2888.me)