ក្លិបយក្សបារាំង PSG នឹងដាក់តម្លៃខ្លួន Naymar កប់ពពក ៣០០លានអឺរ៉ូ បើសិន Barcelona ឬក៏ Real Madrid ចង់បានរូបគេចេញពីទឹកដីបារាំងនារដូវក្តៅនេះ ខណៈកីឡាកររូបនេះកំពុងមានទំនាក់ទំនងជាមួយក្លិបយក្សទាំង២នៅអេស្បាញ នេះបើយោងតាម Le Parisien។

រយៈពេលប៉ុន្មានថ្ងៃកន្លងមកមានព័តមានជាច្រើនបានចុះផ្សាយពីទំនាក់ទំនងផ្ទេរត្រលប់ទៅកាន់ទឹកដី Camp Nou របស់ Barcelona វិញ ក្រោយផ្ទេរមកកាន់ទឹកដីបារាំងកាលពីឆ្នាំ២០១៧ជាមួយតម្លៃខ្លួនបំបែកកណត់ត្រា ២២២លានអឺរ៉ូ។ កាលពីថ្ងៃអង្គារ៍កម្មវិធីវិទ្យុ El Laguero បានអះអាងថាក្លិយក្សកាតាឡាន់បានទាក់ទងទៅ Neymar រួចរាល់ និងបានរៀបចំកញ្ចប់ទឹកប្រាក់១០០លានអឺរ៉ូ បូករួម Dembele និង Rakitic ឬ Umtiti។ យ៉ាងណាក៏ដោយរបាយការណ៍បាននិយាយថាប្រធានក្លិប PSG លោក Nasser Al Khelaifi បានកំណត់តម្លៃខ្លួន Neymar ដល់ទៅ៣០០លានអឺរ៉ូ លើសកាលទិញចូល៧៨លានអឺរ៉ូឯនោះ។

កាលពីថ្មីៗនេះ PSG បានបើកភ្លើងខៀវអោយ Neymar ដោយបានលើកឡើងថាក្លិបមិនចង់ទុកកីឡាករណាដែលចង់ចាកចេញឡើយ ប៉ុន្តែពេលបែរជាមានរបាយការណ៍ថាតម្លៃខ្លួន Neymar ឡើងដល់៣០០ក៊លានអឺរ៉ូទៅវិញ៕