ទីបំផុតក្រុមគ្រូពេទ្យថៃរកឃើញមូលហេតុជំងឺដែលធ្វើឲ្យ Numtarn Thongchiew បាត់បង់ជីវិតហើយ

#តារាសម្ដែង Numtarn Thongchiew# #កម្សាន្ត# #តារាអន្តរជាតិ#

តារាចម្រៀងស្រីល្បីឈ្មោះមួយរូបកញ្ញា Numtarn Thongchiew បានបាត់បង់ជីវិតកាលពីថ្ងៃទី១៤ ខែមិថុនា ឆ្នាំ២០១៩ កន្លងទៅនេះ ដោយមានអាការៈស្ទះដង្ហើម ចង្វាក់បេះដូងឈប់ដើរ និងឈាមហូរតាមច្រមុះធ្ងន់ធ្ងរ។

ប្រភពពីសារពត៏មានថៃមួយ ក្រោយការស្លាប់របស់តារាចម្រៀងស្រីរូបនេះ ខាងមន្ទីរពេទ្យរបស់ប្រទេសថៃ បានស្នើសុំការអនុញ្ញាតពីក្រុមគ្រួសារតារាចម្រៀងរូបនេះ ពិនិត្យមើលតំបន់ដែលនៅពីក្រោយប្រហោងច្រមុះ ក៏បានរកឃើញចំណុចខ្លះៗនៅក្នុងច្រមុះមានពណ៌មិនទៀងទាត់ពីទំហំធម្មតាប្រហែល 0,5-1 សង់ទីម៉ែត្រ។ បន្ទាប់ពីប្រើពេលវេលាអស់ជាច្រើនម៉ោង ទីបំផុតក្រុមគ្រូពេទ្យបានរកឃើញថាជំងឺដែលបានផ្ដាច់យកជីវិតតារាស្រី Numtarn ជាជំងឺ «របេងបន្ទាប់ពីបណ្ដុំច្រមុះ»។

ទន្ទឹមនឹងនេះដែរ គ្រួសាររបស់តារាស្រីរូបនេះ ក៏បាននាំគ្នារៀបចំធ្វើពិធីបុណ្យសពទៅដល់រូបនាង ពោរពេញដោយភាពសោកសៅយ៉ាងខ្លាំង។ ក្នុងនោះក៏មានការចូលរួមពីសំណាក់ក្រុមគ្រួសារ មិត្តភក្តិសិល្បៈជាច្រើននាក់ ជាមួយនឹងទឹកមុខយ៉ាងក្រៀមក្រំ ដោយគ្រាន់តែឃើញសពតារាស្រីរូបនេះភ្លាម ម្នាក់ៗទប់ទឹកភ្នែកសឹងមិនជាប់នោះឡើយ៕

អត្ថបទដោយ៖ ប៊េលឡា

សេចក្តីថ្លែងការណ៍លើកលែង

អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។