ខែ្សប្រយុទ្ធ Marcus Rashford បានបង្ហាញអារម្មណ៍រីករាយ និងរំភើបបើសិនជាក្លឹបបិសាចក្រហម Manchester United អាចធើ្វការទិញខែ្សប្រយុទ្ធឆ្នើម Jadon Sancho បាន។

Sancho បានក្លាយជាមុខសញ្ញារបស់ក្លឹបធំៗនៅតាមបណ្ដាលីគអឺរ៉ុប ខណ: Man Utd ត្រូវបានគេរាយការណ៍ថា កំពុងនាំមុខគេក្នុងការយកអតីតយុវជនរបស់ Manchester City នេះ។

កាលពីពេលថ្មីៗនេះ Rashford ដែលសព្វថៃ្ងកំពុងធើ្វយ៉ាងណាឲ្យរបួសរបស់ខ្លួនមានភាពប្រសើរឡើងវិញនោះ បានបញ្ចេញចំណាប់អារម្មណ៍ប្រសិនបើក្លឹបទិញបានមិត្ដរួមសញ្ជាតិអង់គ្លេស យ៉ាងដូច្នេះថា៖

«វានឹងក្លាយជាការល្អបើ Sancho ចូលរួមជាមួយ Man Utd។ Sancho ជាកីឡាករដ៏អស្ចារ្យ។ គាត់ចូលចិត្ដលេងជាមួយកីឡាករជំនាន់ក្រោយ។ វានឹងក្លាយជារឿងមួយដ៏គួរឲ្យចាប់អារម្មណ៍ ហើយសង្ឃឹមថាថៃ្ងណាមួយពួកយើងនឹងអាចលេងជាមួយគ្នា»៕

ប្រភព៖ Man United Zone