ខែ្សប្រយុទ្ធរបស់ក្រុមសេះបង្កង់ Juventus កីឡាករ Paulo Dybala បានប្រាប់ដល់ Critiano Ronaldo អំពីមូលហេតុដែលប្រជាជនក្នុងប្រទេសអាហ្សង់ទីន មិនចូលចិត្ដទៅលើរូបគេ។

Ronaldo និង Messi បានធើ្វការប្រជែងគ្នាអស់រយ: ពេលជាង ១ទសវត្សរ៍ហើយ ដោយពួកគេទាំងពីរបានឈ្នះនូវពានរង្វាន់ជាច្រើន ទាំងនៅក្នុងក្លឹប និងពានផ្ទាល់ខ្លួនផងដែរ។

យ៉ាងណាមិញ Dybala ដែលជាមិត្ដរួមជាតិរបស់ Messi បាននិយាយប្រាប់មូលហេតុដែលប្រជាជនក្នុងប្រទេសរបស់គេ មិនចូលចិត្ដទៅលើប្រធានក្រុមជម្រើសជាតិព័រទុយហ្គាល់ យ៉ាងដូច្នេះថា៖

«ខ្ញុំបានប្រាប់គេ (Ronaldo) នៅអាហ្សង់ទីន ពួកគេស្អប់អ្នក ដោយសារតែអត្ដចរិក កាយវិការ និងការនិយាយស្ដីរបស់អ្នក» Dybala និយាយក្នុងកិច្ចសម្ភាសមួយតាមអនឡាញរវាងគេនិងសហព័ន្ធបាល់ទាត់អាហ្សង់ទីន។

«ជាការពិតគឺអ្នក (Ronaldo) បានធើ្វឲ្យភ្ញាក់ផ្អើល តាមពិតគឺអ្នកមិនមែនចឹងនោះទេ» Dybala បន្ថែម៕

ប្រភព៖ Evening Standard