
information-gov
· 2020-04-23
ប្រធានមន្ទីរកសិកម្មឧត្តរមានជ័យ បានឲ្យដឹងថា ដំណាំដំឡូងមីក្នុងខេត្ត ប្រមូលផល បានប្រមាណ៨៥%ហើយ
#ដំណាំដំឡូងមី# #កសិកម្ម# #សង្គម# #មន្ទីរកសិកម្មឧត្តរមានជ័យ#
1613
វិទ្យុជាតិកម្ពុជា ៖ ទៀក លឹមជូ 21,04,2020៖
ប្រធានមន្ទីរកសិកម្មឧត្តរមានជ័យ បានឲ្យដឹងថា ដំណាំដំឡូងមីក្នុងខេត្ត ប្រមូលផល បានប្រមាណ៨៥%ហើយ ខណៈឆ្នាំនេះអំណោយផលល្អពីធម្មជាតិ។ លោក សូត្រ ស៊ីសុខឃាង ប្រធានមន្ទីរកសិកម្ម រុក្ខាប្រមាញ់និងនេសាទឧត្តរមានជ័យ មានប្រសាសន៍ប្រាប់វិទ្យុជាតិកម្ពុជាថា ទូទាំងខេត្ត ប្រជាកសិករ បានធ្វើការដាំដំណាំដំឡូងមី លើផ្ទៃដីសរុបប្រមាណជាង 6ម៉ឺនហិកតា ដែលក្នុង១ហិកតាៗទទួលផលបានពី២៥តោន ទៅ៣០តោន ។ លោក បានបន្តថា មន្ត្រីជំនាញក៏បានចុះណែនាំពីគន្លឹះសំខាន់ៗដល់ប្រជាកសិករក្នុងការថែទាំដូចជា ត្រូវជំរះស្មៅ ជ្រោយដីឲ្យបានញឹកញាប់ពេលដំឡូងមីនៅតូច ត្រូវពូនគល់ក្រោយពេលដាំរយៈពេល ២ ទៅ ៣ខែ ដើម្បីជួយទប់ដើមមិនឲ្យរលំដួល ហើយផ្តល់មើមធំៗ ជាពិសេសលួសស្លឹកខាងក្រោមចេញខ្លះ នៅពេលដំឡូងមានកំពស់១ម៉ែត្រ ដើម្បីឲ្យពន្លឺចាំងចូលបានគ្រប់គ្រាន់ ។ លោកបានបន្ថែមថា បច្ចុប្បន្នប្រជាកសិករដែលបានដំណាំដំឡូងមី ទទួលបានតម្លៃសមរម្យដោយដំឡូងមីស្រស់មានតម្លៃ ២០០រៀល គ្រៀមតម្លៃ៧០០រៀលក្នុងមួយគីឡូក្រាម និងមានកន្លែងទទួលទិញជាង១០០កន្លែងសំរាប់ធ្វើការនាំចេញទៅក្រៅប្រទេស ដោយប្រជាកសិករមិនព្រួយបារម្ភក្នុងការរកទីផ្សារនោះទេ។ លោក បានអំពាវនាវដល់ប្រជាកសិករឲ្យបង្កើនការដាំដុះ និងស្វែងរកបច្ចេកទេស ដោយត្រូវយកចិត្តទុកដាក់សិក្សាអំពីប្រភេទដំណាំឲ្យបានច្បាស់លាស់ មុនធ្វើការសំរេចត្រូវដាំដុះ ថាតើត្រូវនឹងស្ថានភាពដី អាកាសធាតុ ជាពិសេសបំពេញតម្រូវការទីផ្សារឬទេ ដែលនេះជាហេតុជួយកែសម្រួលជីវភាពគ្រួសាររបស់ប្រជាកសិករបានមួយកម្រិតធំ ។ គឺជំរុញឱ្យបងប្អូនខំប្រឹងប្រែងធ្វើបន្ថែមឲ្យបានច្រើនបន្ថែមទៀត ដើម្បីបង្កើនប្រាក់ចំណូល ហើយទាក់ទងជាមួយនឹងបច្ចេកទេសប្រឹងប្រែងបន្ថែមចែករំលែកបទពិសោធន៍ពីមន្ត្រីជំនាញដល់កសិករបន្ថែមទៀត ដើម្បីបានទិន្នផលខ្ពស់ កាលណាបានទិន្នផលខ្ពស់ទីផ្សារមានទៀត បានន័យថា កសិករយើងមានជីវភាពរីកចម្រើន ចឹងសម្រាប់តំលៃកសិករគឺទទួលយកបាន គាត់ចំណេញរកប្រាក់ចំណូលហើយតម្លៃរាល់ថ្ងៃនេះគឺយកបាន ហើយអាចធ្វើឱ្យប្រាក់ចំណូលរបស់ប្រជាពលរដ្ឋយើងបន្តទៅមុខទៀត មានការរីកចម្រើនបន្ថែមទៀត ។ សូមបញ្ជាក់ថា ដំឡូងមីជាដំណាំមួយប្រភេទ ដែលអាចដាំដុះនៅតំបន់មានអាកាសធាតុក្តៅហើយសើម ត្រូវការពន្លឺ ហើយដីដែលល្អសម្រាប់ការលូតលាស់គឺដីល្បាយខ្សាច់ធូរ ៕
សេចក្តីថ្លែងការណ៍លើកលែង
អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។
ស្នាដៃពេញនិយមរបស់គាត់
ក្រសួងសេដ្ឋកិច្ច ដាក់ដំណើរការ “គម្រោងសហហិរញ្ញប្បទានទ្រទ្រង់សហគ្រាសធុនតូច និងមធ្យម” ចូលក្នុងវិស័យអាទិភាពមួយចំនួន

ក្រុមវាយកូនបាល់កម្ពុជាបន្តការហ្វឹកហាត់ ខណៈ Davis Cup ត្រូវពន្យារពេល

មន្ត្រីអាជ្ញាកណ្តាលបង្ហាញហេតុផលពីរ ដែលអាចដឹកនាំការប្រកួតស៊ីហ្គេម

ល្បែងលាក់កន្សែងបង្រៀនមនុស្សឲ្យមានភាពរហ័សរហួននិងចេះក្បួនយុទ្ធសាស្រ្ត

ការណែនាំពិសេស
បើកម៉ូតូវ៉ាជែងមិនប្រយ័ត្នបានរ៉េចង្កូត ទៅបុកពីក្រោយរថយន្តពេញទំហឹងបណ្តាលឲ្យមនុស្សម្នាក់ស្លាប់ និងម្នាក់ទៀតរងរបួស

មិនថាគ្រួសារអ្នកមាន ឬ ក្រ ឲ្យតែមាន៣ចំណុចនេះ មិនយូរមិនឆាប់ នឹងក្លាយជាមនុស្សថ្លៃថ្នូរ

តារាសម្ដែងកូរ៉េខាងត្បូងនាង Kim Min Hee សរសើរមិត្តប្រុសវ័យ ៦៣ឆ្នាំ ក្នុងកម្មវិធី Locarno Film Festival

កុំទាំង ៥ យ៉ាង បើអ្នកអាចធ្វើបាន ជីវិតអ្នកនឹងបានសុខសាន្ត រីករាយកាន់តែច្រើន

យោបល់ទាំងអស់ (7)
មិត្ត575516231
· 2020-05-22
😀😀😀
មិត្ត126297941
· 2020-05-22
😮😮😮😮
មិត្ត725208998
· 2020-05-01
love you
Son Gi
· 2020-05-01
wow
Te
· 2020-04-23
បើដំឡូងថោកវិញអាណិតកសិករខ្មែរយើងណាស់
Senglong
· 2020-04-23
ឆ្នាំនេះដំឡូងមិនបានថ្លៃរឺថោកទេបើកូវិដកំពុងអុកឡុកចឹងនោះ
Pov
· 2020-04-23
ប្រមូលដំឡូងមីបាន៨៥%ជិតរូចហើយចឹងនោះ😄😄😄😄😄😄
- 1
ទៅកាន់