
information-gov
· 2020-04-15
មន្ត្រីអាជ្ញាកណ្តាលបង្ហាញហេតុផលពីរ ដែលអាចដឹកនាំការប្រកួតស៊ីហ្គេម
#កីឡាអន្តរជាតិ# #ស៊ីហ្គេម# #កីឡា# #អាជ្ញាកណ្តាល#
846
AKP ភ្នំពេញ ថ្ងៃទី១៥ ខែមេសា ឆ្នាំ២០២០ — លោក ទុយ វិច្ឆិកា អ្នកគ្រប់គ្រងអាជ្ញាកណ្តាលនៃសហព័ន្ធកីឡាបាល់ទាត់កម្ពុជាបានបង្ហាញហេតុផលចំនួនពីរ ដែលអាជ្ញាកណ្តាលកម្ពុជាអាចក្លាយទៅជាអាជ្ញាកណ្តាលអាចដឹកនាំការប្រកួតធំៗប្រចាំទ្វីបអាស៊ី ក៏ដូចជាដឹកនាំការប្រកួតកីឡា ស៊ីហ្គេម លើកទី៣២ ឆ្នាំ២០២៣ ខាងមុខ នៅកម្ពុជា។
ចំពោះមូលហេតុចំនួនពីរនោះ ត្រូវបានលោកអះអាងថា ទី១ គឺទាល់តែយើងអាចចូលទៅក្នុងក្រុមអាជ្ញាកណ្តាលឆ្នើមនៃសហព័ន្ធកីឡាបាល់ទាត់អាស៊ី AFC ដោយជំហានដំបូងត្រូវចុះឈ្មោះចូលរួមក្នុងវគ្គបណ្តុះបណ្តាលរបស់ AFC ក៏ដូចជាការចុះវាយតម្លៃដោយផ្ទាល់គ្រូកម្រិតខ្ពស់របស់AFCលើអាជ្ញាកណ្តាលនៃក្របខ័ណ្ឌលីគកំពូលកម្ពុជាយើង។ ដោយវិធីទី១នេះ គឺដើម្បីឱ្យអាជ្ញាកណ្តាលកម្ពុជាមាននៅក្នុងបញ្ជីឈ្មោះអាជ្ញាកណ្តាលឆ្នើមរបស់ AFC។ រីឯវិធីទី២ គឺ AFC បានបង្កើតសាលាបាល់ទាត់អាជ្ញាកណ្តាល កំណត់កូតាឱ្យយើង ដូចជាមានសិក្ខាសាលាចំនួន ៤ដង ក្នុង១ឆ្នាំៗ ដើម្បីប្រឡងប្រជែងគ្រប់មុខវិជ្ជាទាំងអស់ រាប់ទាំងកម្លាំង បច្ចេកទេស ការយល់ដឹងពីច្បាប់ល្បែង ចិត្តសាស្ត្រ និងចេះប្រើប្រព័ន្ធបច្ចេកវិទ្យា ហើយប្រឡងជាប់រយៈពេល៤ឆ្នាំទើបអាចក្លាយជាអាជ្ញាកណ្តាលកំពូល ប៉ុន្តែអាជ្ញាកណ្តាលម្នាក់អាចក្លាយជាអាជ្ញាកណ្តាលឆ្នើមបានត្រឹម១ឆ្នាំ ឬត្រឹម២ឆ្នាំបាន ក្នុងករណីប្រសិនបើអាជ្ញាកណ្តាលរូបនោះបានបំពេញគ្រប់លក្ខខណ្ឌ ដោយគេអាចចុះឈ្មោះគាត់ទៅ FIFA ហើយអាចបញ្ចូលឈ្មោះគាត់ទៅក្នុងបញ្ជី AFC ទើបគាត់អាចដឹកនាំការប្រកួតធំៗប្រចាំទ្វីបអាស៊ីបាន រាប់បញ្ជូលទាំង ការប្រកួតកីឡាស៊ីហ្គេម លើកទី៣២ ឆ្នាំ២០២៣ នៅកម្ពុជាបានដូចគ្នាផងដែរ៕
សេចក្តីថ្លែងការណ៍លើកលែង
អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។
ស្នាដៃពេញនិយមរបស់គាត់
ក្រសួងសេដ្ឋកិច្ច ដាក់ដំណើរការ “គម្រោងសហហិរញ្ញប្បទានទ្រទ្រង់សហគ្រាសធុនតូច និងមធ្យម” ចូលក្នុងវិស័យអាទិភាពមួយចំនួន

ក្រុមវាយកូនបាល់កម្ពុជាបន្តការហ្វឹកហាត់ ខណៈ Davis Cup ត្រូវពន្យារពេល

ល្បែងលាក់កន្សែងបង្រៀនមនុស្សឲ្យមានភាពរហ័សរហួននិងចេះក្បួនយុទ្ធសាស្រ្ត

កូរ៉េខាងត្បូង នឹងសហរដ្ឋអាមេរិកធ្វើសមយុទ្ធអាកាសរួមគ្នា ដែលជាការព្រមានជាក់ស្តែងដល់កូរ៉េខាងជើង

ការណែនាំពិសេស
បុរាណបានបង្រៀនថា មានរឿង៣យ៉ាងដែលអ្នកមិនគួរធ្វើចំពោះអ្នកដទៃ បើមិនចង់បាត់បង់លាភ និងលុយកាក់

បើចង់រួចផុតពីភាពក្រីក្រ ត្រូវចាំពាក្យប្រៀនប្រដៅរបស់ព្រះពុទ្ធទាំង៤នេះ

ស្រីៗ កុំចេះតែចាយលុយផ្ដេសផ្ដាស រៀនបែងចែកឱ្យដាច់រវាង របស់ដែលចាំបាច់ និងរបស់ដែលចង់បាន

បើចង់បានភាពសប្បាយរីករាយ គួរកាត់ផ្តាច់ទំនាក់ទំនងជិតស្និទ្ធចោល ហើយកុំនៅជិតមិត្តទាំង៥ប្រភេទនេះ

យោបល់ទាំងអស់ (4)
Eam chanvineam
· 2020-04-16
ខានមេីលបានយូរហេីយ
PAO
· 2020-04-15
កីឡានេះល្អមែន
DY
· 2020-04-15
គាត់លេងល្អ
CHEA
· 2020-04-15
ចូលចិត្តមើល
- 1
ទៅកាន់