រូបភាពដ៏កម្របំផុតបង្ហាញពីការសាងសង់ព្រះសក្យមុនីចេតិយលើភ្នំព្រះរាជទ្រព្យ

#ចេតិយ# #ចំណេះដឹង# #ប្រវត្តិសាស្ត្រ# #ព្រះសក្យមុនី# #ភ្នំឧដុង្គ# #ព្រះរាជទ្រព្យ#

26284

ព្រះសក្យមុនីចេតិយមានទីតាំងស្ថិតនៅលើភ្នំព្រះរាជទ្រព្យ ខ្លះហៅភ្នំឧដុង្គ ឬភ្នំអដ្ឋរស្ស មានទីតាំងស្ថិតនៅ ឃុំផ្សារដែក និងឃុំភ្នំបាត ស្រុកពញាឭ ខេត្តកណ្ដាល។

ព្រះសក្យមុនីចេតិយ ជាកន្លែងតម្កល់សារីរិកធាតុព្រះពុទ្ធដែលមានព្រះកេសា ព្រះទន្ត និងព្រះអដ្ឋិធាតុ។ កាលពីប្រហែល៦០ឆ្នាំមុន សារីរិកធាតុត្រូវបានដង្ហែពីប្រទេសស្រីលង្កា មកកាន់ភ្នំពេញ ដើម្បីប្រារព្ធខួបទី២៥០០ឆ្នាំ នៃកំណើតព្រះពុទ្ធ។

ព្រះសារីរិកធាតុដំបូងត្រូវបានតម្កល់នៅក្នុងព្រះសក្យមុនីចេតិយនៅមុខស្ថានីយរថភ្លើង រហូតដល់ព្រះបរមរតនកោដ្ឋនរោត្តម សីហនុ សម្រេចដង្ហែទៅតម្កល់នៅអតីតរាជធានីឧត្តុង្គដោយផ្ទាល់ព្រះអង្គកាលពីឆ្នាំ២០០២។ ការសាងសង់ព្រះសក្យមុនីចេតិយអស់ទឹកប្រាក់៤,៥លានដុល្លារ បានចាប់ផ្ដើមសាងសង់ពីឆ្នាំ១៩៩៥។

ឧត្តុង្គជាអតីតរាជធានីខ្មែរពីសតវត្សទី១៦ដល់សតវត្សទី១៩ និងនៅចម្ងាយប្រហែល៤០គីឡូម៉ែត្រពីរាជធានីភ្នំពេញ មានឈ្មោះនៅក្នុងបញ្ជីបេតិកភណ្ឌពិភពលោកបណ្ដោះអាសន្នរបស់អង្គការយូណេស្កូ៕ កែសម្រួល៖ WowCambodian

សេចក្តីថ្លែងការណ៍លើកលែង

អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។