តាមពិតរូបចម្លាក់ដំរីនៃប្រាសាទនេះសោះ ដែលប្រើក្នុងក្រដាស៥០០០០រៀលរបស់ខ្មែរ

#ចំណេះដឹង# #ប្រវត្តិសាស្ត្រ# #ប្រាសាទ# #រូបិយវត្ថុ# #ចម្លាក់ដំរី#

34248

ប្រជាពលរដ្ឋខ្មែរពិតជាធ្លាប់ឃើញ និងចាប់អារម្មណ៍គ្រប់គ្នាពីរូបភាពសត្វដំរីឈរក្បែរប្រាសាទបាគង លើរូបិយវត្ថុ ក្រដាសប្រាក់ប្រភេទ៥០០០០រៀល (៛) របស់ខ្មែរ។

មានមនុស្សតិចណាស់ដែលដឹងថាដំរីនោះនៅទីណា និងស្ថិតនៅប្រាសាទមួយណាក្នុងចំណោមប្រាសាទរាប់ពាន់ក្នុងដែនដីកម្ពុជា។ តាមពិតរូបចម្លាក់ដំរីដែលយើងឃើញមិនមែនជារូបចម្លាក់ដំរីនៃប្រាសាទបាគងនោះទេ តែវាជារូបចម្លាក់ដំរីនៃប្រាសាទមួយក្នុងរាជធានីបុរាណ កោះកេរ្តិ៍។

ប្រាសាទនោះមានឈ្មោះថាប្រាសាទដំរី ជាបុរាណដ្ឋានមួយក្នុងចំណោមរាប់រយក្នុងបរិវេណតំបន់រាជធានីបុរាណកោះកេរ្តិ៍។ រូបចម្លាក់ដំរី ដែលនៅព័ទ្ធជុំវិញប្រាសាទត្រូវបានបែកបាក់ និងធ្លាក់មកខាងក្រោមជាដើម គឺមានតែរូបចម្លាក់មួយប៉ុណ្ណោះដែលបានរក្សារូបរាងល្អជាងគេ ហើយក៏ត្រូវបានយកប្រើនៅលើក្រដាសប្រាក់ ៥០០០០រៀល តែម្ដង។

ប្រាសាទនៅតំបន់កោះកេរ្តិ៍ភាគច្រើនត្រូវបានកសាងឡើងក្នុងរជ្ជកាលព្រះបាទជ័យវរ្ម័នទី៤ ក្នុងសតវត្សទី១០ (៩២៨-៩៤២)។ ក្នុងរាជ្យព្រះបាទជ័យវរ្ម័នទី៤ ទ្រង់បានផ្លាស់ប្ដូររាជធានីពីយសោធបុរៈ(អង្គរ) ទៅតំបន់កោះកេរ្តិ៍ ហើយបច្ចុប្បន្នកម្ពុជាកំពុងស្នើបញ្ចូលជាបេតិកភណ្ឌពិភពលោក៕

សេចក្តីថ្លែងការណ៍លើកលែង

អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។