ផ្លូវការ! AC Milan សម្រេចទិញខ្សែប្រយុទ្ធ Rebic ផ្តាច់កុងត្រាពីក្លិប Frankfurt

#កីឡា# #AC Milan# #Rebic# #ខ្សែប្រយុទ្ធ# #បាល់ទាត់អន្តរជាតិ#

2482

ក្លិប AC Milan ឈានដល់ការចុះហត្ថលេខាយកខ្សែប្រយុទ្ធ Ante Rebic ពីក្លិប Eintracht Frankfurt ជាផ្លូវការ ដោយចុះកុងត្រារយៈពេល ៥ ឆ្នាំ។

ក្រោយខ្ចីជើងបានមួយរដូវកាល ក្លិប Milan ក៏សម្រេចទិញផ្តាច់កុងត្រារបស់ខ្សែប្រយុទ្ធខាងលើដែលនៅសេសសល់ជាមួយនឹង Frankfurt ដោយគោរពទៅតាមលក្ខខណ្ឌកាលពីឆ្នាំមុនថា ប្រសិនបើក្លិបមានចំណាប់អារម្មណ៍ចង់ចុះហត្ថលេខាយកកីឡាកររូបនេះជាកម្មសិទ្ធ នោះក្លិបអាចមានជម្រើសទិញផ្តាច់។

ខ្សែប្រយុទ្ធ Rebic រកបាន ១២ គ្រាប់ កាលពីរដូវកាលមុន នៅក្របខ័ណ្ឌ Serie A ក្នុងការបង្ហាញខ្លួនចំនួន ៣០ ប្រកួត ជាមួយក្លិប Milan។

គួរបញ្ជាក់ផងដែរថា មុននឹងផ្លាស់ទៅ Frankfurt ខ្សែប្រយុទ្ធសញ្ជាតិក្រូអាតរូបនេះ ធ្លាប់លេងនៅក្លិប Fiorentina ក្នុងអំឡុងឆ្នាំ២០១៣ ដល់ ២០១៨ ហើយក្រោយមករូបគេបានផ្លាស់ទៅអាល្លឺម៉ង់ក្នុងតម្លៃខ្លួនត្រឹមតែ ២ លានអឺរ៉ូប៉ុណ្ណោះ៕

កែសម្រួលដោយ៖ ភារ៉ា

ប្រភព៖ football-italia

សេចក្តីថ្លែងការណ៍លើកលែង

អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។