មនុស្សយើងគ្រប់គ្នាតែងមានទម្លាប់ល្អនិងទម្លាប់អាក្រក់រៀងៗខ្លួន។ យោងទៅតាមតារានិករនីមួយៗគឺគេអាចមើលដឹងថាអ្នកមានទម្លាប់អាក្រក់បំផុតបែបណាខ្លះ។

ពេលខ្លះដឹងហើយអ្នកគួរតែកែប្រែខ្លះដើម្បីឲ្យជីវិតអ្នកបានប្រសើរជាងមុន។

១. AQUARIUS (២០ មករា ដល់ ១៨ កុម្ភៈ)៖

អ្នកជាមនុស្សងាយនឹងវិនិច្ឆ័យលើអ្នកដទៃ។ ទម្លាប់ដ៏អាក្រក់របស់អ្នកគឺងាយនឹងកាត់សេចក្តីអ្នកដទៃឆាប់រហ័សពេក។ អ្វីដែលអ្នកត្រូវផ្លាស់ប្តូរគឺត្រូវរៀនស្វែងយល់ពីអ្នកដទៃជាមុនសិនមុននឹងធ្វើការវិនិច្ឆ័យទៅលើនរណាម្នាក់នោះទើបធ្វើឲ្យមនុស្សនៅក្បែរអ្នកកាន់តែមានអារម្មណ៍ប្រសើរចំពោះអ្នក។

 ២. PISCES (១៩ កម្ភៈ ដល់ ២០ មីនា)៖

អ្នកជាមនុស្សដែលមានទុក្ខព្រួយច្រើន។ អ្នកគួររៀនចាប់អារម្មណ៍និងរីករាយនៅអ្វីៗដែលមាននៅជុំវិញខ្លួនប្រសើរជាងដាក់សំពាធលើខ្លួនឯង និងរៀនដាក់ចុះអ្វីដែលធ្ងន់នៅក្នុងចិត្តឲ្យបានច្រើន។

៣. ARIES (២១ មីនា ដល់ ១៩ មេសា)៖

ជាមនុស្សដែលមិនសូវចេះមានការអត់ធ្មត់។ នៅពេលដែលចង់ធ្វើអ្វីមួយហើយពេលដែលជួបការលំបាកបន្តិចក៏ចាប់ផ្តើមរាថយនិងបោះបង់ចោល។ បើអ្នកចូលចិត្តធ្វើអ្វីរហន់ពេកអ្នកអាចនឹងបាត់បង់ឱកាសដ៏អស្ចារ្យមួយដែលវាអាចនឹងចំណាយពេលបន្តិចប្រសិនបើអ្នកទ្រាំអត់ធ្មត់ធ្វើវាដោយមិនបោះបង់។ ត្រូវរៀនចេះអត់ធ្មត់ឲ្យខ្លាំងបំផុតនោះលទ្ធផលនិងអ្វីដែលអ្នកប្រាថ្នាចង់បានវានឹងមកក្នុងដៃអ្នកជាមិនខាន។

៤. TAURUS (២០ មេសា ដល់ ២០ ឧសភា)៖

ជាមនុស្សដែលឆាប់អន់ចិត្តណាស់។ មានរឿងខ្លះកុំយកមកទុកក្នុងចិត្តខ្លាំងពេកវានឹងធ្វើឲ្យអ្នកព្រួយចិត្តនិងអារម្មណ៍មិនល្អ។ ការអភ័យគឺជាអ្វីដែលអ្នកត្រូវធ្វើនិងហ្វឹកហាត់ចិត្តឲ្យបានច្រើនជាងនេះ។ ការបណ្តោយឲ្យចិត្តចងគំនុំនឹងរឿងច្រើនពេកវានឹងគ្មានក្តីសុខដល់អ្នកឡើយ។

៥. GEMINI (២១ ឧសភា ដល់ ២១ មិថុនា)៖

ជាមនុស្សដែលគិតច្រើនពេក។ អ្នកត្រូវព្យាយាមធ្វើអ្វីឲ្យខួរក្បាលរបស់អ្នកបានសម្រាកខ្លះ កុំគិតរឿងស្មុគស្មាញច្រើនពេក។ បើអ្នកនៅតែប្រកាន់ខ្ជាប់នឹងរឿងបែបនេះដដែលៗអ្នកអាចនឹងបាត់បង់ឱកាសច្រើនហើយចេញមិនផុតពីខ្លួនឯងឡើយ។ 

៦. CANCER (២2 មិថុនា ដល់ ២២ កក្កដា)៖

អ្នកស្ថិតតែនៅក្នុងតំបន់សុវត្ថិភាពមួយដោយអ្នកមិនចង់ធ្វើសកម្មភាពអ្វីបន្ថែមទៀតដើម្បីឲ្យខ្លួនឯងរីកចម្រើនជាងនេះឡើយ។ ជីវិតដែលហ៊ានសាកល្បងច្រើនអ្នកក៏នឹងជួបរឿងថ្មីៗច្រើនដូចគ្នាហើយអ្នកនឹងភ្ញាក់ផ្អើលនៅពេលដែលអ្នកបានស្វែងរកអ្វីដែលថ្មីៗដល់ជីវិតរបស់អ្នក។

៧. LEO (២៣ កក្កដា ដល់ ២២ សីហា)៖

អ្នកចូលចិត្តស្តាប់រឿងច្រើនហើយតែងយកមកដាក់ខ្លួនបំភ័យខ្លួនឯងជានិច្ច។ មិនមែនរឿងទាំងអស់សុទ្ធតែទាក់ទងនឹងអ្នកនោះទេ។ ការដឹងអំពីរឿងនេះនឹងជួយអ្នកឲ្យរក្សាការផ្តោតអារម្មណ៍របស់អ្នកហើយមិនត្រូវបានប៉ះពាល់ខ្លាំងពីសកម្មភាពនិងយោបល់របស់មនុស្សដទៃទៀតឡើយ។

៨. VIRGO (២៣ សីហា ដល់ ២២ កញ្ញា)៖

បដិសេធមិនទទួលយកស្តង់ដារណាមួយនៃភាពឥតខ្ចោះ។ មិនមែនមនុស្សគ្រប់គ្នាអាចធ្វើរឿងបានដោយល្អឥតខ្ចោះទាំងអស់គ្រប់រឿងនោះទេ។ មិនមែនមិនឲ្យអ្នកមិនជឿជាក់លើអ្វីដែលអ្នកធ្វើនោះទេប៉ុន្តែគ្រាន់តែកុំចង់បានអ្វីដែលឥតខ្ចោះពេក រៀនទទួលយកនូវស្ថានភាពជាក់ស្តែង។ ព្រោះវានឹងបង្កើនគុណភាពជីវិតរបស់អ្នកនិងជួយឲ្យអ្នកមានអារម្មណ៍ធូរស្រាលនិងស្កប់ស្កល់ជាងមុន។

៩. LIBRA (២៣ កញ្ញា ដល់ ២២ តុលា)៖

ព្យាយាមធ្វើអីឲ្យគេពេញចិត្ត។ អ្នកត្រូវយល់ថាមិនមែនមនុស្សគ្រប់គ្នាសុទ្ធតែពេញចិត្តនិងរីករាយនូវអ្វីដែលអ្នកធ្វើចំពោះពួកគេឡើយ។ ផ្តោតលើការផ្តល់អាទិភាពនិងវាយតម្លៃលើតំរូវការផ្ទាល់ខ្លួនរបស់អ្នក អ្នកក៏សមនឹងទទួលបានសេចក្តីរីករាយផងដែរដូច្នេះកុំផ្តល់ឲ្យតែគេពេកភ្លេចគិតពីខ្លួនឯង។

១០. SCORPIO (២៣ តុលា ដល់ ២១ វិច្ឆិកា)៖

លោភលន់។ អ្នកព្យាយាមធ្វើអ្វីដើម្បីរបស់ដែលអ្នកចង់បាន។ ប៉ុន្តែពេលខ្លះជីវិតមិនប្រែដូចអ្វីដែលអ្នកបានគ្រោងទុកទេ។ ជំនួសឲ្យការពឹងផ្អែកលើអ្វីដែលអ្នកមិនមាន សូមផ្តោតថាមពលរបស់អ្នកលើការកោតសរសើរចំពោះអ្វីដែលអស្ចារ្យដែលមាននៅក្នុងជីវិតរបស់អ្នកវិញប្រសើរជាង។

១១. SAGITTARIUS (២២ វិច្ឆិកា ដល់ ២១ ធ្នូ)៖

ការប្រកួតប្រជែង។ តម្រូវការរបស់អ្នកខ្លាំងបំផុតគឺប្រកួតប្រជែងជាមួយខ្លួនឯងនិងអ្នកដទៃ ប៉ុន្តែរឿងខ្លះអ្នកមិនអាចធ្វើវាដោយបង្ខំបានទេ ធ្វើទៅតាមដំណើរនិងលទ្ធភាពដែលអ្នកដែលអាចធ្វើបាន។ អ្វីក៏ដោយបើសិនជាអ្នកចង់ឈ្នះខ្លាំងពេកដោយមិនបានគិតឲ្យច្បាស់វាអាចនឹងធ្វើឲ្យអ្នកបរាជ័យជាមិនខាន។

១២. CAPRICORN (២២ ធ្នូ ដល់ ១៩ មករា)៖

កុំដាក់សំពាធលើខ្លួនឯងជ្រុលពេក។ រឿងខ្លះគឺវាមានដំណាក់កាលរបស់វាដោយមិនអាចបង្ខំបាននោះទេបើបង្ខំពេកអ្នកមានតែធ្វើបាបខ្លួនឯងតែប៉ុណ្ណោះ។ មួយទៀតរៀនចាប់អារម្មណ៍របស់ដែលនៅក្បែរខ្លួនផងកុំចាំដល់បាត់បង់ទើបស្តាយក្រោយ៕ ដោយ៖ Orchid