យើងតែងដឹងហើយថា មនុស្សប្រុសជាប្រភេទដែលមានភាពឆេវឆាវជាងមនុស្សស្រី ។​ ក៏ព្រោះតែពួកគេមិនសូវចេះទប់អារម្មណ៍ និងទ្រាំចំពោះបញ្ហាដូចជាមនុស្សស្រីនោះទេ ។ តែក៏មិនមែនបុរសៗទាំងអស់សុទ្ធតែបែបនេះនោះទេ ។

សម្រាប់បុរសខ្លះវិញ ជួបរឿងមិនពេញចិត្តតែបន្តិច ក៏ពួកគេអាចដុតបំផ្លាញពិភពលោកទាំងមូលនេះបានដែរ ។ អ៊ីចឹងតើគួរធ្វើម៉េចទៅ ចំពោះបុរសប្រភេទនេះ ?​

១. រកមូលហេតុ ៖ ត្រូវដឹងពីមូលហេតុដែលគាត់ខឹងច្រឡោតដាក់អ្នក ជួនកាលអ្នកបានធ្វើទង្វើដែលគាត់មិនពេញចិត្ត ។​ បើអ្នកដឹងពីមូលហេតុនោះហើយ ទើបងាយស្រួលបកស្រាយ និងដោះស្រាយ ។

២. កុំយកកំហឹងទល់កំហល់ ៖ ពេលខ្លះ អ្នកមិនបានខុសនោះទេ តែគាត់បានខឹងច្រឡោតដាក់អ្នក ដោយសារសម្ពាធផ្លូវចិត្តពីបញ្ហាណាមួយដែលអ្នកមិនបានដឹងក៏ថាបាន ។ សូមធ្វើចិត្តឱ្យស្ងប់ជាងគាត់ ហើយរឹតតែត្រូវធ្វើល្អ និងនិយាយល្អដាក់គាត់ ក្រោយមកគាត់នឹងរលត់ភ្លើងកំហឹងដោយខ្លួនឯង ។

៣. ទុកគាត់ស្ងប់ចិត្តសិន ៖ ភ្នំភ្លើងដែលកំពុងផ្ទុះ អ្នកក៏មិនគួរចូលទៅក្បែរភ្លាមៗនោះដែរ ដកថយសិនក៏ល្អដែរ ទុកពេលឱ្យគាត់បានសម្រួលអារម្មណ៍សិន សឹមចូលទៅលួងលោមគាត់ ។

៤. កុំបន្ថែមទង្វើដែលគាត់មិនចូលចិត្ត ៖ កំឡុងពេលនេះ កុំរំខានអារម្មណ៍ ឬបន្ថែមប្រេងលើភ្លើងកំហឹងរបស់គាត់ ។

អត្ថបទ៖ Moon Noch