
bayontv news
· 2020-04-15
រដ្ឋមន្រ្តីកសិកម្ម ប្រាប់កសិករឲ្យខិតខំដាំដុះ ព្រោះវិស័យកសិកម្ម មិនប៉ះពាល់ ដោយសារកូវីដ-១៩ នោះទេ
#រដ្ឋមន្រ្តីកសិកម្# #កសិកម្ម# #កូវិដ-១៩# #សង្គម#
1954
តាកែវ ៖ ខណៈពេលដែលវិស័យជាច្រើននៅក្នុងប្រទេសកម្ពុជា កំពុងតែទទួលរងផលប៉ះពាល់ដោយសាការ រីកដាលនៃជំងឺកូវីដ – ១៩ ដោយលើកលែងតែវិស័យកសិកម្ម នោះ រដ្ឋមន្រ្តីកសិកម្ម បានចុះជួបក្រុមកសិករ នៅក្នុងស្រុកទ្រាំង ខេត្តតាកែវ ដើម្បីធ្វើការលើកទឹកចិត្តពួកគេ ឲ្យប្រឹងប្រែងដាំដុះឲ្យបានកាន់តែល្អប្រសើរ ថែមទៀត ដើម្បីបំពេញតម្រូវការប្រើប្រាស់នៅពេលនេះ។
រដ្ឋមន្រ្តីក្រសួងកសិកម្ម ឯកឧត្តម វេង សាខុន ក្នុងពេលចុះជួបកសិករស្រុកទ្រាំង កាលពីថ្ងៃទី១៣ ខែមេសា ម្សិលមិញ បានថ្លែងថា បើទោះបីជាវិស័យមួយចំនួន ដូចជាវិស័យទេសចរណ៍ វិស័យឧស្សាហកម្ម និងវិស័យមួយ ចំនួនទៀត កំពុងតែទទួលរងផលប៉ះពាល់ដោយសារការផ្ទុះជំងឺកូវវីដ១៩ ក៏ប៉ុន្តែសម្រាប់វិស័យកសិកម្ម មិនបានទទួលរងផលប៉ះពាល់នោះទេ ដែលក្នុងនោះ តម្លៃស្រូវឆ្នាំនេះ ប្រជាកសិករ លក់បានតម្លៃខ្ពស់ បន្លែ បង្ការមួយចំនួន ក៏មានទីផ្សារ និងលក់បានតម្លៃគ្រាន់បើ ដូច្នេះ កសិករ ត្រូវប្រឹងប្រែងបន្តដាំដុះឲ្យបានខ្លាំង ក្លា ដើម្បីធ្វើយ៉ាងណាឲ្យទិន្នផលស្រូវកាន់តែបានច្រើនឡើង ដែលនឹងនាំឲ្យជីវភាពកាន់តែល្អប្រសើរឡើង មួយកម្រិតទៀត។
ឯកឧត្តម បានលើកឡើងថា កសិករ មិនគួរមានការព្រួយបារម្ភពាក់ព័ន្ធទៅ នឹងទីផ្សារស្រូវឡើយ នៅពេលដែលរាជរដ្ឋាភិបាល បានប្រកាសបិតការនាំស្រូវចេញទៅលក់នៅក្រៅប្រទេស ដើម្បីរក្សាស្បៀង សម្រាប់ហូបចុកក្នុងប្រទេស តែទោះជាយ៉ាងណា កម្ពុជា មានរោងម៉ាស៊ីនកិនស្រូវក្នុងស្រុកជាច្រើន សម្រាប់ប្រមូលទិញស្រូវប្រជាកសិករក្នុងតម្លៃមួយសមរម្យ។
ឯកឧត្តម វេង សាខុន រដ្ឋមន្រ្តីក្រសួងកសិកកម្ម រុក្ខាប្រមាញ់ និងនេសាទ បានជំរុញឲ្យកសិករ សិក្សារៀនសូត្រពីបច្ចេកទេសដាំស្រូវ ពីការប្រើប្រាស់ជី ពីការប្រើប្រាស់ពូជស្រូវ ពីអ្នកបច្ចេកទេស របស់ ក្រសួងកសិកកម្ម ដើម្បីធ្វើយ៉ាងណាឲ្យទទួលទិន្នផលស្រូវបានខ្ពស់ និងស្របទៅតាមទីផ្សារ ហើយប្រជា កសិករ ក៏ត្រូវឆ្លៀតពេលដាំដំណាំផ្សេងៗ និងចិញ្ចឹមសត្វបន្ថែមទៀត ដើម្បីជួយសម្រាលដល់ជីវភាព៕
សេចក្តីថ្លែងការណ៍លើកលែង
អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។
ស្នាដៃពេញនិយមរបស់គាត់
ការណែនាំពិសេស
តើផ្លែឈឺរីមានអត្ថប្រយោជន៍អ្វីខ្លះ?

មន្ទីរពេទ្យទីមួយនៃសាកលវិទ្យាល័យវេជ្ជសាស្ត្រ Harbin បានបញ្ចប់ដោយជោគជ័យនូវបេសកកម្មជំនួយផ្នែកវេជ្ជសាស្រ្តសម្រាប់ការជិះស្គីល្បឿនលឿនក្នុងព្រឹត្តិការណ៍កីឡាអាស៊ីរដូងរងា

តុលាការកំពូលរបស់ប្រទេសកូរ៉េខាងត្បូង សម្រេចដកប្រធានាធិបតីលោក Yoon ចេញពីតំណែង

បើជួបប្រុសចេញពីគ្រួសារ ៤ ប្រភេទនេះ ស្រីៗសុខចិត្តនៅព្រៅ ក៏មិនយកជីវិតទៅពាក់ព័ន្ធ ទាក់ទង សន្សំកម្មដាក់ខ្លួូននៅឡើយ នៅម្នាក់ឯងសប្បាយចិត្តជាង

យោបល់ទាំងអស់ (5)
មិត្ត49852832
· 2020-05-11
wow
Bro Phot
· 2020-05-02
😍😍😍
មិត្ត02131329
· 2020-05-01
😘😘😘😘😘
Nhien
· 2020-04-15
យាបណាស់រដ្ឋមន្រ្តីកសិកម្ម
Sotear
· 2020-04-15
មេចថាមិនប៉ះពាល់ចឹង😏😏😏😏😏
- 1
ទៅកាន់