តុលាការផ្ដើមសវនាការ លើសំណុំរឿងអតីតចៅហ្វាយខេត្តតាកែវ

ភ្នំពេញ៖ សាលាដំបូងរាជធធានីភ្នំពេញ នាព្រឹកថ្ងៃទី២៣ ខែមករា ឆ្នាំ២០១៩នេះ បានលើកយកសំណុំរឿងលោក ឡាយ វណ្ណៈ អតីតចៅហ្វាយខេត្តតាកែវ ពាក់ព័ន្ធបទឃាតកម្មសម្លាប់ស្រីស្នេហ៍ មកធ្វើការជំនុំជម្រះ ។ សវនាការនេះ ដឹកនាំដោយលោក ហម ម៉េងសែ អនុប្រធានសាលាដំបូងរាជធានីភ្នំពេញ ។

លោក ឡាយ វណ្ណៈ និងបក្ខពួក៣នាក់ទៀត ដែលទី១ ៖ ឈ្មោះ ឡាយ ណារិទ្ធ ស្នងការរងនគរបាលខេត្តតាកែវ ត្រូវជាបងប្រុស ទី២៖ឈ្មោះ ម៉េន សាម៉ៃ អ្នកបើកឡានឲ្យលោក ឲ្យឡាយ វណ្ណៈ និងទី៣៖ ឈ្មោះ ជឹម វុធ ហៅ ថូត ជាអ្នកបំរើនៅផ្ទះជនរងគ្រោះ បានរងការចោទប្រកាន់ពាក់ព័ន្ធការសម្លាប់ស្រ្តីម្នាក់ឈ្មោះ ចេវ សុវឌ្ឍនា ដែលគេស្គាល់ថា ជាស្រីស្នេហ៍ របស់លោក ឡាយ វណ្ណៈ កាលពីថ្ងៃទី២៦ ខែមករា ឆ្នាំ២០១៨ នៅចំណុចផ្ទះជួល ក្នុងភូមិផ្សារតាកោ សង្កាត់រកាក្នុង ក្រុងដូនកែវ ខេត្តតាកែវ ។

ពួកគេត្រូវបានសាលាដំបូងរាជធានីភ្នំពេញសម្រេចឃុំខ្លួនបណ្ដោះអាសន្ន កាលពីល្ងាចថ្ងៃទី០៣ ខែមេសា ឆ្នាំ២០១៨ ៕ rady

សេចក្តីថ្លែងការណ៍លើកលែង

អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។