ក្រុមជម្រើសជាតិអាល្លឺម៉ង់ធ្វើបានយ៉ាងល្អកាលពីយប់មិញ ដោយបានយកឈ្នះលើក្រុមព័រទុយហ្គាល់ ៤ទល់នឹង២ ក្នុងការប្រកួតជុំទី២ជម្រុះពូលនៃព្រឹត្តិការណ៏ Euro ២០២០។

Cristiano Ronaldo ជាអ្នកបើកឆាកស៊ុតមួយគ្រាប់ក្រោយមានបញ្ជូនបាល់ពីDiogo Jota។ ទោះជាយ៉ាងណា ខ្សែការពារព័រទុយហ្គាល់Ruben Dias និង Raphael Guerreiro ធ្វើអោយចូលទីខ្លួនឯងម្នាក់១គ្រាប់ ក្រោយមានការដាក់សម្ពាធពីអាល្លឺម៉ង់។

ចូលដល់តង់ទី២ Kai Havert និង Robin Gosens ដាក់ម្នាក់១គ្រាប់ទៀតធ្វើអោយអាល្លឺម៉ង់នាំមុខ ៤ទល់នឹង១។ ចុងក្រោយ ព័រទុយហ្គាល់បានវាយបកដង្ហើមចុងក្រោយបានមួយគ្រាប់វិញ ធ្វើបានដោយ Diogo Jota ធ្វើអោយលទ្ធផលចុងក្រោយ អាល្លឺម៉ង់ស៊ីព័រទុយហ្គាល់ ៤-២។

លទ្ធផលនេះ ធ្វើអោយក្រុមអាល្លឺម៉ង់ហក់ឡើងមកលេខ២ បណ្តោះអាសន្នមាន៣ពិន្ទុ និងព័រទុយហ្គាល់ធ្លាក់ទៅលេខ៣ ក្នុងពូលF មាន៣ពិន្ទុស្មើគ្នាដោយសារឈ្នះហុងគ្រីកាលពីប្រកួតមុន។

ប្រភព៖ Euro