បែកបាក់ស្នេហា គឺជារឿងដែលពិបាកខ្លាំងបំផុត ហើយទម្រាំឆ្លងកាត់រួចវាមិនមែនជារឿងងាយនោះទេ។ ដូច្នេះហើយបន្ទាប់ពីចែកផ្លូវគ្នាជាមួយដៃគូ ខ្លួនប្រាណនឹងជួបរឿងអាក្រក់ទាំងនេះភ្លាម៖

១. ពិបាកចិត្ត គិតច្រើន គេងមិនលក់

អ្នកមានអារម្មណ៍ថាឈឺចាប់ ពិបាកចិត្ត ចង់យំ ហើយមិនអាចគេងបានស្រួលនោះទេ អ្នកចេះតែនឹកឃើញនេះនឹកឃើញនោះមិនចេះឈប់។

២. ឈឺ ឬចុកក្នុងទ្រូង

ការសិក្សាបានបង្ហាញថាបន្ទាប់ពីការបែកបាក់ស្នេហាមនុស្សទទួលបានសញ្ញាសរសៃប្រសាទដែលទាក់ទងនឹងការឈឺចាប់ខាងផ្នែករាងកាយ ហើយការចុកទ្រូងឬ ឈឺទ្រូងគឺជារឿងដែលមនុស្សខូចចិត្តមិនអាចចៀសបាន។

៣. មានបញ្ហាស្បែក ៖

ជាការពិតណាស់ដែលថាក្នុងអំឡុងពេលធ្លាក់ទឹកចិត្ត និង ឈឺចាប់ មនុស្សម្នាក់មិនសូវយកចិត្តទុកដាក់ចំពោះខ្លួនឯងទេហើយយើងឃើញថាស្ថានភាពស្បែកកាន់តែអាក្រក់ទៅៗដោយសារអ័រម៉ូនស្ត្រេស។ នេះអាចបណ្ដាលឲ្យមុខ និង សូម្បីតែសក់ក៏លែងស្អាតដែរ។

៤. ឈឺសាច់ដុំ

នៅក្នុងស្ថានភាពធ្លាក់ទឹកចិត្តមនុស្សងាយនឹងរងរបួសជាងធម្មតា។ ដូចគ្នានេះផងដែរដោយសារភាពតានតឹងការឈឺចាប់នៅក្នុងសាច់ដុំអាចលេចឡើងហើយសាច់ដុំអាចនឹងចុះចាញ់ដែលបណ្ដាលអោយឈឺក្នុងផ្នែកផ្សេងៗនៃរាងកាយ។

៥. ឡើងទម្ងន់

ពេលបែកបាក់ស្នេហាហើយអ្នកនឹងគិតច្រើន ហើយស្រ្តេសចេះតែកើនឡើង ពេលនោះអ្នកលែងខ្វល់ពីរបបអាហារទៀតហើយ ពេលណាឃ្លានក៏ញ៉ាំ ពេកមិនឃ្លានក៏មិនញ៉ាំ ដែល ជាហេតុនាំឲ្យអ្នកឡើងទម្ងន់។

បើបែកគ្នាស្រួល បែកគ្នាល្អគ្មានមនុស្សឈឺចាប់ គ្មានមនុស្សយំនោះទេ៕