ភ្នំពេញ៖ ព្រឹត្តិការណ៍ការប្រកួតកីឡាសិស្សថ្នាក់ជាតិ (National School Games) ឆ្នាំ២០១៩ នឹងធ្វើឡើងនាថ្ងៃទី១០ ដល់១៩ ខែមិថុនា ឆ្នាំ២០១៩ នៅរាជធានីភ្នំពេញដោយរៀបចំដោយនាយកដ្ឋានអប់រំកាយ និងកីឡាសិស្ស-និស្សិតសហការសហព័ន្ធកីឡាប៉េតង់ និងប៊ូលកម្ពុជាអត្តពលិក គ្រូបង្វឹក និងគណៈប្រតិភូប៉េតង់ចំនួន១៨៨នាក់ចូលរួម។

ការប្រកួត National School Games នឹងធ្វើការប្រកួតជាផ្លូវការនៅថ្ងៃទី១៥ដល់១៨ ខែមិថុនា ឆ្នាំ២០១៩ នៅអាងហែលទឹកនៃពហុកីឡ ដ្ឋានជាតិក្នុងទីលានសហព័ន្ធ ដោយមាន១៩រាជធានី-ខេត្តចូលរួមដូចជារាជធានីភ្នំពេញ ខេត្តកណ្តាល ខេត្តកំពត ខេត្តកំពង់ចាម ខេត្តត្បូងឃ្មុំ ខេត្តតាកែវ ខេត្តស្វាយរៀង ខេត្តសៀមរាប ខេត្តរតនគិរី ខេត្តព្រៃវែង ខេត្តព្រះវិហារ ខេត្តប៉ៃលិន ខេត្តមណ្ឌលគិរី ខេត្តកំពង់ធំ ខេត្តកំពង់ស្ពឺ ខេត្តកំពង់ឆ្នាំង ខេត្តបាត់ដំបង និងខេត្តបន្ទាយមានជ័យ ។

ដែលមានកីឡាករ-កីឡាការិនីចំនួន១៣៥នាក់ក្នុងនោះកីឡាការិនី៦០នាក់ និងគ្រូបង្វឹកចំនួន៣២នាក់ និងគណៈប្រតិភូ២១នាក់ លើក៦វិញ្ញាសា គឺវិញ្ញាសាវាយយកពិន្ទុបុរស វិញ្ញាសាវាយយកពិន្ទុនារី វិញ្ញាសាវាយ១ទល់១បុរស វិញ្ញាសាវាយ១ទល់១នារី វិញ្ញាសាវាយ២ទល់២បុរស និងវិញ្ញាសាវាយ២ទល់២នារី។

ការប្រកួតកីឡាសិស្សថ្នាក់ជាតិ (National School Games) លើកទី១ឆ្នាំនេះ ក្រសួងអប់រំបានសម្រេចដក់១១ ប្រភេទកីឡារួមមាន៖ កីឡាបាល់ទាត់កីឡាបាល់ទះ កីឡាបាល់បោះកីឡា អត្តពលកម្មកីឡាប៉េតង់ កីឡាវាយកូនឃ្លីលើតុ កីឡាហែលទឹក កីឡាវាយសី កីឡាការ៉ាត់តេ កីឡាតេក្វាន់ដូWT និងកីឡាតេក្វាន់ដូITF៕