ស៊ីហ្គេម៖ U22 កម្ពុជាស្វាគមន៍ ឥណ្ឌូណេស៊ី មីយ៉ាន់ម៉ា ហ្វីលីពីន ទីម័រខាងកើត ក្នុងពូល A

#បាល់ទាត់កម្ពុជា# #កីឡា# #ការប្រកួតស៊ីហ្គេម# #ពហុកីឡដ្ឋានជាតិអូឡាំពិក# #កីឡដ្ឋានព្រីនស៍#

1234

ដោយ: សារព័ត៌មានថ្មីៗ

ក្រុមកីឡាបាល់ទាត់បុរសអាយុក្រោម២២ឆ្នាំរបស់កម្ពុជា ត្រូវស្វាគមន៍ ឥណ្ឌូណេស៊ី មីយ៉ាន់ម៉ា ហ្វីលីពីន ទីម័រខាងកើត សម្រាប់ការប្រកួតពូល A នៃព្រឹត្តិការណ៍កីឡាស៊ីហ្គេមលើកទី៣២។ នេះបើតាមលទ្ធផលនៃការចាប់ឆ្នោតនារសៀលថ្ងៃទី៥ ខែមេសា នៅពហុកីឡដ្ឋានជាតិមរតកតេជោ។ រីឯពូល B មានវៀតណាម ថៃ សិង្ហបុរី ម៉ាឡេស៊ី និងឡាវ។

ការប្រកួតស៊ីហ្គេម លើកទី៣១ ឆ្នាំ២០២២ នៅប្រទេសវៀតណាម ក្រុមជម្រើសជាតិកម្ពុជា បានធ្លាក់ត្រឹមវគ្គចែកពូល ។ ម្ចាស់ផ្ទះវៀតណាម ឈ្នះមេដាយមាស ,រីឯថៃ រងជើងឯក ដោយឈ្នះមេដាយប្រាក់ និងមេដាយសំរិទ្ធ បានទៅលើក្រុមជម្រើសជាតិឥណ្ឌូណេស៊ី។

កម្ពុជា បានត្រៀមកីឡដ្ឋានចំនួន ២សម្រាប់ប្រកួតវិញ្ញាសាបុរស គឺ ពហុកីឡដ្ឋានជាតិអូឡាំពិក និងកីឡដ្ឋានព្រីនស៍។ ពហុកីឡដ្ឋានជាតិអូឡាំពិក អាចផ្ទុកអ្នកគាំទ្របានចំនួន ៧០០០០នាក់ ខណៈ កីឡដ្ឋានព្រីនស៍ ផ្ទុកអ្នកទស្សនាបាន ១៥០០០នាក់។ ការប្រកួតស៊ីហ្គេម លើកទី៣២ នឹងត្រូវចាប់បើកជាផ្លូវការថ្ងៃទី៥ ខែឧសភា ឆ្នាំ២០២៣ នៅពហុកីឡដ្ឋានជាតិមរតកតេជោ៕

ប្រភពដើម៖ ThmeyThmey

បាល់ទាត់កម្ពុជា

1613មាតិកា

សេចក្តីថ្លែងការណ៍លើកលែង

អត្ថបទនេះបានមកពីអ្នកប្រើប្រាស់របស់ TNAOT APP មិនតំណាងឱ្យទស្សនៈ និងគោលជំហរណាមួយរបស់យើងខ្ញុំឡើយ។ ប្រសិនបើមានបញ្ហាបំពានកម្មសិទ្ធិ សូមទាក់ទងមកកាន់យើងខ្ញុំដើម្បីបញ្ជាក់ការលុប។