ទូរស័ព្ទដៃស្មាតហ្វូន Samsung Galaxy A20 បានបង្ហាញខ្លួនកាលពីខែមុន ហើយឥឡូវនេះបានមកដល់ប្រទេសឥណ្ឌា ដែលនឹងត្រូវក្លាយជាទីផ្សារដំបូងរបស់ខ្លួនក្នុងការចេញលក់ស្នាតហ្វូនមួយម៉ូឌែលនេះ រីឯតម្លៃវិញប្រហែល 180 ដុល្លារ និងត្រូវបានដាក់លក់​ចាប់ពីថ្ងៃទី 10 ខែមេសានៅក្នុងហាងលក់តាមអ៊ីនធឺណិតរបស់ក្រុមហ៊ុន Samsung India​ , ក្រុមហ៊ុន Samsung Opera House និងក្រុមហ៊ុនលក់រាយ​ដទៃទៀតទូទាំងប្រទេសនោះតែម្តង។

 ទូរស័ព្ទ Galaxy A20 ត្រូវបានក្រុមហ៊ុន Samsung បំពាក់ដោយបន្ទះឈីប Exynos 7884 SoC ដែលមាន RAM ទំហំ 3GB ។ វាមានអេក្រង់ទំហំ 6,4 អ៊ីញប្រភេទ Infinity-V AMOLED ដែលមានសមាមាត្រ 19,5: 9 និងមាន resolution អេក្រង់ 1560 x 720 ភិចសែល។ 

សម្រាប់កាមេរ៉ាទូរស័ព្ទ Galaxy A20 គឺមានកាមេរ៉ាភ្លោះ (13MP + 5MP) នៅផ្នែកខាងក្រោយនិងកាមេរ៉ាមុខ 8MP ​ហើយវាមានអង្គចងចាំទំហំ 32GB ប៉ុន្តែអ្នកអាចពង្រីកវាបានរហូតដល់ 512GB តាមរយៈកាត microSD ។