មុន និងស្នាមដែលបន្សល់ទុកក្រោយកើតមុន គឺជាក្តីកង្វល់របស់នារីៗគ្រប់រូប ប៉ុន្តែពេលនេះលែងមានការព្រួយបារម្ភទៀតហើយ។ ថ្ងៃនេះយើងសូមណែនាំរូបមន្តពិសេស ធ្វើស្រ្កាប់បែបធម្មជាតិមួយ មិនត្រឹមតែធ្វើឱ្យផ្ទៃមុខរបស់អ្នក ស ទន់ ភ្លឺ ម៉ដ្ឋរលោងប៉ុណ្ណោះទេ ថែមទាំងអាចកម្ចាត់បញ្ហាមុន ស្នាម និងចំណុចខ្មៅៗលើផ្ទៃមុខបានទៀតផង។

សម្រាប់វិធីធ្វើស្ក្រាប់តាមបែបធម្មជាតិនេះ មានដូចខាងក្រោម៖

១. អំពិលទុំ៖ បកយកសាច់ទៅក្រឡុកក្នុងម៉ាស៊ីនឲ្យម៉ដ្ឋ

២. ក្រូចឆ្មារ៖ កាត់ជាពីរចំណែក រួចច្របាច់យកទឹក

៣. ទឹកឃ្មុំ៖ យកទឹកឃ្មុំណាដែលសុទ្ធល្អ

ជំហានដំបូង អ្នកគ្រាន់តែយកសាច់អំពឹលទុំដែលក្រឡុករួច មកលាយជាមួយ ទឹកក្រូចឆ្មារ ១ ស្លាបព្រា ទឹកឃ្មុំ ១ ស្លាបព្រា រួចកូរចូលគ្នាឱ្យសព្វល្មមអាចលុបលាងសម្អាតមុខបាន។ បន្ទាប់មក យកល្បាយនេះមកលាបឱ្យសព្វនៅលើផ្ទៃមុខ ទុកចោលប្រមាណជា ១៥នាទី ហើយលាងជម្រះចេញជាមួយនឹងទឹកក្តៅឧណ្ហៗជាការស្រេច។

រូបមន្តធ្វើស្រ្កាប់តាមបែបធម្មជាតិខាងលើនេះ ពិតជាងាយស្រួលបំផុតក្នុងការធ្វើ ចំណាយពេល និងថវិកាតិចបំផុត ដែលសុភាពបុរស សុភាពនារីទាំងឡាយអាចធ្វើបានដោយខ្លួនឯងនៅផ្ទះ មិនចាំបាច់ទៅហាងឡើយ៕